Skip to content

Skip to table of contents

Zimbangi zi Yave

Select language Ibinda

 LESSON 28

Mbi Wulenda Mona mu Nzil’itu yi Nkondi Mayo?

Mbi Wulenda Mona mu Nzil’itu yi Nkondi Mayo?

Nsi yi França

Nsi yi Polônia

Nsi yi Rússia

Yesu Klisto wu kamba miǹlonguki myandi: ‘Bika kyenzulu kyeno va ntadisi bantu, mpasi bamona mavanga meno ma mboti ye kembila tat’eno diena mu mazulu.ʼ (Matai 5:16) Dyawu tuǹsadilanga mboti tecnologia ayi nkondi mayo ntangu’ayiyi. Nzil’itu mu Nkondi mayo, jw.org, nto zinsangu ziǹzabikisa matedi kiminu kitu mu klisto ayi kisalu ki Zimbangi zi Yave. Mbi wulenda bakula mu nzil’itu yi nkondi mayo?

Mimvutu mi byuvu bantu bawombo baǹkuvulanga. Wulenda bakula mimvutu mi byuvu biluti ǹkinza. Mimvutu mi sambanu, mi vutulu mu kilongulu Tidi kwaku kuzaba kyedik’e? ki ma vyoka sekulu mu 400 di zimbembo. Ngyewu ḿvaku wulenda tanga Tradução do Novo Mundo yi masekulu mu kuvyoka 100 di zimbembo ayi bilongulu biǹkaka bilenda kusadisa kuvisa mboti Kibibila, banga buku O Que a Bíblia Realmente Ensina? ayi zilevista zi ngonda ka ngonda A Sentinela ayi Despertai! Bilongulu abyobyo biǹkaka wulenda kuwa byawu mu fono voti kulula byawu mu PDF ove EPUB. Wulenda kwaku basisa zi nsyelo zi matanga madi mu zimbembo ziǹkaka mwingi wu vana badi mawu ǹkinza. Bilongulu mu bimona meso, bima vyoka sekulu mu 20 ma zimbembo zi myoko. Wulenda kulula matanga ma Kibibila madi mu fono, madi mu bifwani, ayi miǹkunga mi mboti mi wulenda kuwa mu ntangu yi wuḿvuvisila.

Zinsangu zi kyedika zi tedi Zimbangi zi Yave. Tu bwe tulanga zinsangu zimona ayi bimona meso biǹtubila kisalu kitu ki kusamuna mu nza yimvimba, ayi maǹkaka matedi Zimbangi zi Yave na mangolo ma tuḿvanganga mu kusadisa bantu ba monokono kivuka. Wulenda zaba matedi zinkutukunu zi mavula ziǹkwiza ayi zaba zi nsangu zitedi zi beteli ziǹkaka.

Zyawu zimpila zi kyenzudila kyedika mu nza yimvimba. Bantu bonso mu nza yimvimba badi mu kubaka lusalusu na badi ku Antártida. Twidi mu kusambila “mpasi mambu ma [Yave menda] ntinu” mu nza yimvimba mwingi kukembisa Nzambi.2 Tesalonika 3:1.

  • Bwidi nzil’itu yi nkondi mayo jw.org yidi mu kusadisila bantu mu longuka kyedika ki Kibibila?

  • Mbi tidi kumona voti kukulula mu nzil’itu yi nkondi mayo?