Skip to content

Skip to table of contents

Zimbangi zi Yave

Select language Ibinda

 DILONGO 4

Kibila mbi tusekudila Tradução do Novo Mundo?

Kibila mbi tusekudila Tradução do Novo Mundo?

Nsi yi Congo (Kinshasa)

Nsi yi Rwanda

Dizina dinlongo Di Nzambi mu Minkunga 69:31, mu masonoko ma khulu ma Simaku mu sekulu yintatu ove yinna mu thangu’itu

Miḿvu miwombo mivyoka Zimbangi zi Yave baba sadilanga, basisanga ayi kabulanga zinsekudulu ziǹkaka zi Kibibila. Vayi tuzaba mpwila yi kubaka nsekudulu yimona yi Kibibila yilenda sadisa bantu bawombo mu baka nzayilu yi sulama yi kyedika, Nzambi katomba mu babonso. (1 Timoteo 2:3, 4) Buawu mu ḿvu 1950, tu tona kuyamikisa nsekudulu’itu yi Kibibila, Tradução do Novo Mundo, yiǹsadilanga bikuma bi nkambu mpasi. Kyawu kima sekulu mboti mu kuvyoka 100 di zimbembo.

Va ba tombu Kibibila ki nkambu mpasi mu kuvisa. Bumvyokila ntangu bikuma mu mbembo biḿbalukanga, dyawu zinsekudulu ziǹkaka ziḿbelanga mpasi mu kuvisa kibila baǹsadilanga bikuma bi nkulu. Ayi ba bakula masonoko ma nkulu ma lutidi sulama ayi ma fikama na masonoko ma nteti, masonimina mu Kiebelewo, Kialamaiko ayi Kingeleko.

Va ba tombu nsekudulu yiǹdedakana na nsangu zi Nzambi. Miǹsekudulu miǹkaka miḿbanga buka miǹsoniki mi Kibibila, angi bafweti ba bakwikama mu masonoko maḿvumina Nzambi. Dyawu, dizina di Nzambi, Yave, disiko mu ziǹsekudulu ziǹkaka zi Kibibila.

Va ba tombu Kibibila kilenda zitisa wuvwidi kyawu. (2 Samueli 23:2) Mu Tradução do Novo Mundo ba vutula dizina di Yave, diba disonama mu 7 di bivevi di zinkumbu mu masonoko ma nkulu ma Kibibila, dedi bo bummonisina kifwani kidi va wanda.  (Yesaya 42:8) Miḿvu miwombo mi kisalu ki kutomba, tu baka ndandu yi Kibibila ki nkambu mpasi mu kutanga, kimmonisa mayindu ma Nzambi buboti. Bo ti widi Tradução do Novo Mundo mu mbembu’aku voti ndamba, tukudinda wubaka ndyatusulu mu kutanganga lumbu ka lumbu dyambu di Yave.Yosua 1:8; Minkunga 1: 2, 3.

  • Kibila mbi tubakila makani ma vangila nsekudulu yimona yi Kibibila?

  • Kifu mbi ki lumbu ka lumbu muntu wuǹtomba longuka vanga luzolo lu Nzambi ka fweti ba?