Skip to content

Skip to table of contents

 DILONGO 19

Nani Ǹnanga Wukwikama?

Nani Ǹnanga Wukwikama?

Befu bonso tuḿbakanga ndandu mu bidya bi kimpevi

Bosi ka fwa, Yesu wu yoluka na minlandikini myandi va nkonzo: Petelo, Yakobi, Yoane ayi Andele. Bo ka bavana bidimbu bitedi ntonono yi luyalu lwandi ayi bilumbu bi nsuka, nandi wuvana kyuvu ki ḿfunu. ‘Nani Ǹnanga wukwikama wu dyela, mfumu’andi ka byeka mu sunga bisadi biǹkaka mwingi kaba vananga bidya mu ntangu yi fwana?’ (Matai 24:3, 45; Malako 13:3, 4) Yesu bo kadi “mfumu” minlongisi myandi, wu kanikisa kubyeka ‘Ǹnanga’ mwingi kavananga minlandikini myandi bidya bi kimpevi mu bilumbu bi nsuka. Nani Ǹnanga beni?

Mwa dingumba disolwa di minladikini mi Yesu. ‘Ǹnanga’ beni, wuzabikini buka Mwa Dingumba Diǹtwadisi di Zimbangi zi Yave. Wuḿvananga bidya bi kimpevi mu bisadi biǹkaka bi Yave. Befo tu kuǹtediminanga, ‘mwingi ka tuvana bidya mu ntangu yi fwana.ʼLuka 12:42.

Nandi wuǹkyebanga dikanda di Nzambi. (1 Timoteo 3:15) Yesu wuvana kiyeku kwidi Ǹnanga wukwikama ki kutwadisa kisalu ayi ǹkangu wu lulama wu Yave va ǹtoto: Mu kukyeba kyuka kyandi, kukengidila kisalu ki kusamuna ayi ku tulongila mu nzila yi bimvuka bitu. Mwingi ka tuvana bi tuǹtomba mu ntangu yi fwana, “Ǹnanga wukwikama wu dyela” wuǹkabulanga bidya bi kimpevi mu bilongulu bi tuǹnatanga mu kisalu kikusamuna ayi ndyatusulu yi zinkutukunu zi divula tuḿbakanga.

Nandi widi wukwikama mu kyedika ki Kibibila ayi mu kukyeba kisalu ki kusamuna nsangu zimona; widi dyela mu mpila kaǹkyebilanga kisalu ki Klisto va ǹtoto. (Mavanga 10:42) Yave widi mu kusakumuna kisalu beni mu ndyonzukulu ayi mpila ziǹkaka zi zabikisila kyedika.Yesaya 60:22; 65:13.

  • Nani Yesu ka bikila kiyeku ki kudikila miǹlandikini myandi mu kimpevi?

  • Bwidi Ǹnanga kadidi wukwikama ayi wudyela?