Skip to content

Skip to table of contents

 DILONGO 10

Mbi Mbwongimini va Dikanda?

Mbi Mbwongimini va Dikanda?

Coreia do Su

Brasil

Nsi yi Austrália

Nsi yi Guiné

Tona mu ntangu yi nkulu, Yave wutomba makanda monso ba vyokisa ntangu va kimweka, mwingi ba kindasana mu kimpevi. (Deutelonomi 6:6, 7) Dyawu makanda ma Zimbangi zi Yave baḿbikilanga ntangu mu kadika lumingu mu kubwongimina Nzambi, baǹsolulanga mu mayangi mambu ma kimpevi ba vwidi ǹkinza mu luzingu. Nketi ngye veka wuǹkalanga, wulenda vanga ndongulu’aku yi Kibibila mwingi wufikama Yave. Wulenda sola dyambu di Kibibila di lutidi ḿfunu mu ngyewu mwingi wu longuka.

Yawu, ntangu yi kufikamina Yave. ‘Lufikama Nzambi, yandi si kalufikama.’ (Yakobi 4:8) Tuzabidi mboti Yave bo tuǹlongukanga matedi zinkandulu ayi mavanga mandi mu zi nsyelo zi Kibibila. Mpila yi nkembu mpasi yi kutonina vanga mbwongimini va dikanda, yidi mu kutanga Kibibila mu mbembu yinangama, wulenda landakana ndyatusulu yi kadi lumingu yi kikola ki kisalu ki Nzambi. Kadi muntu va dikanda wulenda tanga mwa lutangu lu vyakana lu Kibibila, bosi kalenda tuba ndandu ka beki mu matanga beni.

Yawu, ntangu yi kufikama muntu ka muntu va dikanda. Banuni ayi bakazi ove matata ayi bana baḿbwelanga kukifikama bo banlonguka Kibibila va kimweka. Yi fweti ba ntangu yi mayangi ayi yi ndembama — ntangu yiḿfunu kadika lumingu. Matata balenda sola mambu ma lutidi ǹkinza mu ndyonzukulu yi bana bawu, ove balenda sadila zilevista A Sentinela ayi Despertai! voti nkond’itu mayo jw.org. Balenda longuka bwidi bu kindimina mu zimpukumunu ziwombo bana baǹdengananga mu kikola. Balenda kubika miǹkunga mi zinkutukunu ziǹkwiza ayi kudya va nsuka yi mbwongimini va dikanda.

Mbwongimini beni yi Yave yiḿvangiminanga va dikanda mu kadi lumingu, yala sadisa babonso ba yangalala mu longuka dyambu di Nzambi ayi nandi wala sakumuna mangolo mawu.Minkunga 1:1-3.

  • Kibila mbi tuḿbikilanga ntangu mwingi kuvanga mbwongimini va dikanda?

  • Mu ntangu beni, bwidi matata balenda vangila babonso ba yangalala?