Skip to content

Skip to table of contents

Zimbangi zi Yave

Select language Ibinda

 DILONGO 18

Bwidi Tunsadisilanga Zikhomba Zitu mu Thangu Malema?

Bwidi Tunsadisilanga Zikhomba Zitu mu Thangu Malema?

Nsi yi República Dominicana

Nsi yi Japão

Nsi yi Haiti

Ti kivuka ki monikini mu yendila nza, zimbangi zi Yave baǹkubikanga lusalusu mu dyambu kubomba zinkomba badi mu kyunda. Mangolo beni tuḿvanganga, mbonosono yi luzolo lu kyedika lu twidi mu baǹkaka. (Yoane 13:34, 35; 1 Yoane 3:17, 18) Bwidi lusalusu beni luḿvewanga?

Tuḿvananga minkayilu. Bo nzala yi saba ku nsi Yuda, baklisto ku Antiokia ba fila lusalusu kwidi zinkomba zyawu. (Mavanga 11:27-30) Bo buawu, befo kuzaba ti zinkomba zitu, mu yendila nza ba monokono kivuka, tuḿfilanga minkayilu mu nzila yi kimvuka, mwingi kusadisa zinsatu zyawu zi ǹsuni ayi zi kimpevi.2 Kolinto 8:13-15.

Tuḿvananga lusalusu. Bankulutu baǹkalanga va zunga di monikini kivuka, baǹtombanga nteti zaba ti babonso badi buboti. Dingumba di lusadusu diḿvananga bidya, ǹlangu, miḿvwatu, zinzo ayi baḿbukisanga ba lwedi. Zimbangi zi Yave ziwombo bazebi bisalu, bakivananga mu dyambu di kubwela myoko mu tunga zinzo zi bantu, zinzo zi Kiǹtinu zi be tuluka mu kivuka. Kiǹtwadi kidi mu ǹkangu wu lulama ayi luzabu tuḿbakanga mu kusala va kimweka, ma tusadisanga kuba nzaki mu kisalu. Tu zebi ti tuǹkwendilanga mwingi kusadisa badi yitu ‘kiminu kimweka,’ vayi tuǹsadisanga babonso baḿmona zimpasi, na badi mu mabundu maǹkaka.Ngalatia 6:10.

Tuḿvananga lusalusu lu kimpevi ayi tuǹkindisanga mayindu ma bantu. Ba monokono kivuka baǹtombanga mbombolo. Mu ntangu beni, bawu balenda kindusu kwidi Yave, ‘Nzambi yimbombolo yonso.ʼ (2 Kolinto 1:3, 4) Mu nyenzi tuǹlongisanga zinkanu zi Kibibila kwidi bantu badi mu kyunda, tu bamosinanga ti Kiǹtinu ki Nzambi kyala manisa bivuka byoso biǹtwadisanga zimpasi.Nzaikusu 21:4.

  • Bwidi Zimbangi zi Yave ba fika sadisilanga bantu bo kivuka ki be monika?

  • Mbombolo mbi yi kimpevi tulenda vana kwidi baḿvuka?