Skip to content

Skip to table of contents

Zimbangi zi Yave

Select language Ibinda

 DILONGO 12

Bwidi bu Kubimini Kisalu Kitu ki Kusamuna?

Bwidi bu Kubimini Kisalu Kitu ki Kusamuna?

Nsi yi Espanha

Nsi yi Belarus

Nsi yi Hong Kong

Nsi yi Peru

Bosi Yesu ka fwa nandi wu tuba: “Nsamu wau wambote wakimfumu si wasamunwa mu ntoto wawonsono mwena bantu mu kimbangi kwa makanda mamonsono mabantu [bosi mbanunu yala kwiza].” (Matai 24:14) Angi bwidi kisalu ki kusamuna mu nza yimvimba kibina vangimina? Mu kulandakana ǹtungulu Yesu kabika bo kaba va ǹtoto.Luka 8:1.

Tuǹtombanga bantu mu zinzo zyawu. Yesu wu longisa miǹlonguki myandi bu kusamunina nsangu zimboti mu zinzo. (Matai 10:11-13; Mavanga 5:42; 20:20) Minsamuni beni minteti, ba tambula bizunga bi kusamuna. (Matai 10:5, 6; 2 Kolinto 10:13) Bo buawu ntangu’itu, kisalu ki kusamuna kidi ki kubama, kibila kadi kimvuka kidi kizunga baǹsamuninanga. Yawu mpila tuǹtumukinanga ǹswa wu Yesu wu kusamuna ayi vana kimbangi kyoso.—Mavanga 10:42.

Tuḿvanganga mangolo mu kulonga bantu bonso vosu vama baǹkalanga. Yesu wumonisa ǹtungulu bo kalonga muḿvyokilanga bantu bonso, mu lukweku lu ḿbu ove mu bisima bi ǹlangu. (Malako 4:1; Yoane 4:5-15) Buka Yesu, befu ḿvitu tuǹkolukanga na bantu mu zi nzila, mu mazandu ove mu ǹsinga mayo. Tuḿvananga kimbangi ba kala yitu va ǹsengi, baǹsalanga ove baǹkotanga yitu mu kikola ayi badi va dikanda. Mu mangolo moso amomo tuḿvanganga, mafunda ma bantu mu nza yimvimba balenda kuwa zinsangu zimboti zi luvukusu.—Minkunga 96:2.

Zebi muntu wulenda kamba zinsangu zimboti zi Kiǹtinu ki ambi ayi kuǹsudikisa bwidi mala kuǹlandukila kuǹtwala? Bika sweka zinsangu azizi voti tomba ndandu ngyewu feva to. Kamba baǹkaka mu ǹswalu.

  • ‘Zinsangu mbi zimboti’ zi fweti samunu?

  • Bwidi Zimbangi zi Yave baǹlandikinina nsamununu yi Yesu?