Skip to content

Skip to table of contents

Zimbangi zi Yave

Select language Ibinda

 DILONGO 14

Ndongusulu mbi baḿvananga miǹtwami ǹtwala mi kisalu?

Ndongusulu mbi baḿvananga miǹtwami ǹtwala mi kisalu?

Nsi yi Estados Unidos

Kikola ki Ngiladi Patterson, Nova York

Nsi yi Panamá

Tona mu ntama, kikola ki malongi ma Kibibila, mpila yimboti Zimbangi zi Yave baǹlongukilanga. Ndongusulu beni yiḿvanwanga kwidi babonso ba kivana mu kisalu ki ntangu ka ntangu mu kusamuna nsangu zi Kiǹtinu, mwingi ba mpisuka mu kuvanga ‘kisalu kyawu mboti.’2 Timoteo 4:5.

Kikola ki Miǹtwami Ǹtwala mi Kisalu. Bo ǹtwami ǹtwala kisalu kadukisidi ḿvu mu kisalu ki ntangu ka ntangu, ba kuǹtumisanga mwingi ka baka ndongusulu yi kikola ki miǹtwami ǹtwala mi kisalu mu bilumbu bi 6. Kibila ki ḿfunu ki kikola beni, mu dyambu kusadisa ǹtwami ǹtwala ka bwela fikama Yave, bwela mpisuka mu kisalu ki kusamuna ayi kubwela ba lufyatu mu tatamana mu kisalu beni.

Kikola ki Miǹsamuni mi Kiǹtinu. Kikola beni kiḿvangamanga mu ngonda wadi, kiǹkubikanga miǹtwami ǹtwala mi kisalu mi mpisuka ayi ba kivana, mwingi ba filwa ku lutidi kisalu. Kulandakana kifwani ki Yesu Klisto ǹlongisi wu filwa va ǹtoto, bawu ḿvawu baǹtubanga, ‘minuk’awu mfila.’ (Yesaya 6:8; Yoane 7:29) Kusadila kinanu kuǹtombila kolama nzingulu yimona; Buka ndiwulu, kinkulu, ǹlangu wu kunwa voti biǹkaka bilenda ba diswasana na nzingulu wuba. Malenda tombila kulonguka mbembo yiǹkaka. Kikola beni kiǹsadisanga bakwela ayi ba nkambu kwela badi 23 ti 65 di miḿvu, mwingi babaka zinkadulu zimboti zi kimpevi zilenda kuba sadisa vanga mboti kisalu ki Yave mu ǹkangu’andi wululama.

Kikola ki Kibibila ki Ngiladi. Mu Kiebelewo, “Ngiladi” yiǹsundula “Zimbangi Ziwombo.” Tona mu ḿvu 1943, ku vyoka 8.000 di bantu ba ma baka ndongusulu beni ayi bafilwa buka bamisyoni mu dyambu kuvana kimbangi mu nza yonso yiḿvimba. (Mavanga 13:47) Bo ba misyoni ba tuka ku ǹtoto wu Peru, basa denga ko kimvuka. Vayi mu ntangu ayiyi kweka 1.000 di bimvuka. Bo ba tuka ku nsi yi Japão, basa denga ko ni kumi di Zimbangi zi Yave. Angi mu ntangu ayiyi ba mavyoka 200.000. Mu zingonda zi tanu baḿbakilanga ndongusulu yi Ngiladi, baǹlongukanga mambu mampinda ma Kibibila. Baǹtumisanga miǹtwami ǹtwala mi kisalu mi filwa, bamisyoni, zibetelita voti Miǹsungi mi divula mwingi babaka ndongusulu beni, mu dyambu kuvana mangolo kisalu ki kusamuna mu nza yimvimba.

  • Ǹkinza mbi kidi Kikola ki Miǹtwami Ǹtwala?

  • Nani wulenda landakana Kikola ki Miǹsamuni mi Kiǹtinu?