Skip to content

Skip to table of contents

Zimbangi zi Yave

Select language Ibinda

 DILONGO 9

How Can We Best Prepare for the Meetings?

How Can We Best Prepare for the Meetings?

Nsi yi Camboja

Nsi yi Ukrânia

Bo ti ngyewu wuǹlongukanga Kibibila na Zimbangi zi Yave, muna wuǹkubikanga kadika dilongi tuǹkwiza longuka. Buawu fweni silanga, bo wuǹkwenda mu zinkutukunu mu dyambu wu baka ndandu mu malongi ma wuǹkuwa. Kulandakana mawu lumbu ka lumbu, wala baka ndandu yi lutidi.

Sola vama ayi ntangu tidi longukila. Ntangu mbi wuḿbanga ǹsika mwingi wu longuka? Va meni bosi wuǹtona kusala, voti va bwilu bana ba kulala? Bo ti wisi ko ntangu yiwombo yi longukila, kubika ntangu yi fweni ayi ka wu bikila mambu maǹkaka ma kuvunzikisa. Tomba vama va nkembu lusuku, zimisa bisengo bi miziki, lumweno lu kimona meso ayi ǹsinga mayo. Kusambila bosi wuǹtona longuka, ma kusadisa wu bwisa mayindu maku mu dyambu di Nzambi.Filipi 4:6, 7.

Tula bidimbu ma wuǹkubika mwingi wuvana mvutu. Nteti, zaba ǹtu dyambu. Yindula ǹtu dyambu, ove fyonginina bwidi mwa miǹtu mi dyambu miǹlandudila ǹtu wonso wu dyambu ayi landikinina zi mfikula ayi byuvu bi mputukulu bimmonisa malongi ma ḿfunu. Bosi, tanga kadika kindwika ayi bakula miḿvutu mi byuvu. Tomba voti tanga matanga ma Kibibila ayi yindula bwidi mawu maǹlandudila dilongi. (Mavanga 17:11) Ngye kubakula ḿvutu, tula kidimbu mu bikuma biḿfunu byela kusadisa tebuka moyo mu lukutukunu. Wulenda nanguna koko ngye kutya, ayi vana ḿvutu mu bikuma byaku.

Kulonguka malongi maswasana mu kadika lumingu mu zinkutukunu, mala bwela mayindu ma mona mu kyuka ki luzabu lwaku lu Kibibila.Matai 13:51, 52.

  • Kifu mbi fweti ba mwingi wukubamanga mboti mu zinkutukunu?

  • Bwidi wulenda kubimina mwingi wu vana ḿvutu mu zinkutukunu?