Skip to content

Skip to table of contents

Zimbangi zi Yave

Select language Ibinda

 DILONGO 20

Bwidi Buǹdyatilanga Mwa Dingumba Diǹtwadisi?

Bwidi Buǹdyatilanga Mwa Dingumba Diǹtwadisi?

Mwa dingumba diǹtwadisi mu ntangu yi baklisto ba nteti

Ǹkanda wuǹtangu wu mwa dingumba diǹtwadisi

Mu ntangu yi baklisto ba nteti, mwa dingumba diǹtwadisi di ‘bapostolo ayi bankulutu ba Yelusalemi’ baba salanga buka mwa dingumba diǹtwadisi, mwingi ba bakanga makani ma ǹkinza mu dizina di kimvuka kyonso ki baklisto ba solwa. (Mavanga 15:2) Mwingi kubaka makani, bawu baba bikanga Masonukwa ayi mpevi yi Nzambi yi ba twadisa. (Mavanga 15:25) Wawu ǹtungulu baǹlandakananga ntangu’itu.

Mu bawu Nzambi kaǹsadilanga mwingi kuvanga luzolo lwandi. Zinkomba zi solwa badi bisadi mu mwa dingumba diǹtwadisi, luzolo luwombo badi mu dyambu di Nzambi, luzabu mu mambu ma lumbu ka lumbu ayi ma kimpevi. Bawu baǹkutakananga kadika lumingu mo kuyindula zi nsatu zi bankomba mu nza yimvimba. Buka baklisto ba nteti, bawu baḿfilanga malongi mabongulu mu Kibibila mu miǹkanda ove mu nzila yi Miǹsungi mi divula ayi bantu baǹkaka. Mawu maḿvanganga dikabu di Nzambi di ba kintwadi mu mpila yi yindudila ayi ku ma sadila. (Mavanga 16:4, 5) Mwa dingumba diǹtwadisi baǹkubikanga bidya bi kimpevi, baḿvananga mangolo kisalu Kiǹtinu ki kusamuna ayi kuvana biyeku kwidi zinkomba mu kimvuka.

Baǹlandakananga ntwadusulu yi mpevi yi Nzambi. Mwa dingumba diǹtwadisi baǹlandakananga ntwadusulu yi Yave ayi Yesu klisto, ǹtu wu kimvuka. (1 Kolinto 11:3; Efeso 5:23) Badi mu dikabu beni, ba yimonisanga ko buḿfumu mu kimvuka ki Nzambi. Bawu na baklisto boso ba solwa, baǹlandakananga ‘mwan’ameme [Yesu] konso kukankwenda.’ (Nzaikusu 14:4) Mwa dingumba diǹtwadisi baǹtondanga beni miǹsambu mitu tu ba dindilanga kwidi Yave.

  • Mu baklisto ba nteti, banani baba mu mwa dingumba diǹtwadisi?

  • Bwidi mwa dingumba diǹtwadisi mu ntangu’itu baḿbakilanga ntwadusulu yi Yave?