Skip to content

Skip to table of contents

Zimbangi zi Yave

Select language Ibinda

 DILONGO 23

Bwidi Bilongulu Bitu Binsoniminanga ayi Binsekulwanga mu Zimbembo Zinkaka?

Bwidi Bilongulu Bitu Binsoniminanga ayi Binsekulwanga mu Zimbembo Zinkaka?

Dikabu di Miǹsoniki, U.S.A.

Nsi yi Coreia do Sul

Nsi yi Armenia

Nsi yi Burundi

Nsi yi Sri Lanka

Mo tubaka bu kusamunina mboti zinsangu zimona mu zinsi ayi mimvila myoso, tuǹsekulanga bilongulu mu kuvyoka 750 di zimbembo. (Nzaikusu 14:6) Bwidi tuǹnunginanga mu kuvanga byawu? Mu lusalusu lu dikabu di miǹsoniki ayi mu 3.300 di miǹsekudi mu nza yimvimba. Babonso badi Zimbangi zi Yave.

Bilongulu biǹsoniminanga mu Kingeleso. Mwa dingumba Diǹtwadisi diǹtwadisanga kisalu ki Dikabu di Miǹsoniki ku beteli yinene. Dikabu beni di miǹsoniki, diǹtwadisanga ayi diḿvananga biyeku kwidi miǹsoniki myoso, tona badi ku beteli yineni ayi zibeteli zi lwelu zidi mu zinsi ziǹkaka. Kubaka dikabu di miǹsoniki mu nza yimvimba, ma tusadisanga kuvana lusadusu mu matedi binkulu byoso mu nza ayi bantu baǹkwangalalanga mu kutanga mawu.

Bilongulu biḿfilwanga kwidi miǹsekudi. Ba kukikinina kilongulu ki ma mana kusonama, baḿfilanga kyawu mu mpila yi eletronika kwidi dikabu di miǹsekudi mu nza yimvimba; Bawu baǹsekulanga ayi baḿfyonguninanga kyawu. Mwingi basekula buboti bilongulu mu mbembo’awu, bawu baḿvanganga mangolo mu kusola bikuma bifwana bi manga vyakana na matanga mabongulu mu Kingeleso.Mpovi 12:10.

Zi komputador ziḿbwelanga ǹswalu kisalu. Bukyedika ti komputador yilendi vinginina ko miǹsoniki ayi miǹsekudi. Vayi kisalu kilenda kwenda ǹswalu mu kibila ki zi dicionário ayi bisadulu biǹkaka bidi mu zi komputador. Zimbangi zi Yave bavanga kisadulu baǹtanguninanga (MEPS) kyawu kilenda dedikisa matanga mu zimbembo ziwombo. Mu nzila kisadulu beni, tuḿbakanga bu kuludikila matanga na zifoto ayi zi mfikula mwingi kubasisa zyawu mu miǹkanda.

Kibila mbi tuḿvangilanga mangolo amomo, ma kusekulanga bilongulu mu zimbembo ba manga kolukanga mu zi nsi ziwombo? Kibila Yave wuǹtomba ‘ti bantu babonso ba vuluswa ayi ba baka nzayilu yi kyedika.’1 Timoteo 2:3, 4.

  • Bwidi bilongulu bitu biǹsoniminanga?

  • Kibila mbi tuǹsekudilanga byawu mu zimbembo ziwombo?