Skip to content

Skip to table of contents

Zimbangi zi Yave

Select language Ibinda

 DILONGO 15

Bwidi Bakhulutu ba Kimvuka Bansadisilanga Zikhomba?

Bwidi Bakhulutu ba Kimvuka Bansadisilanga Zikhomba?

Nsi yi Filândia

Kulonga

Baǹsunga

Baǹsamuna

Mu Ǹkangu’itu wu lulama mwisi ko mfumu wuǹtambulanga ḿfutu. Kulandakana ǹtungulu wu baklisto ba nteti, miǹsadisi mi mpisuka baǹtambulanga kiyeku ki ‘kusunga kimvuka ki Nzambi.ʼ (Mavanga 20:28) Bankulutu abobo badi bantu ba ndwenga na kinzambi kimboti mu kutwadisa kimvuka ayi mu ‘sunga mamemi, mu nkambu kuba tundila, mu nkambu kuba kwika, mu nkambu tomba ḿfutu,’ vayi mu zola kuba sadisa. (1 Petelo 5:1-3) Mbi baḿvanganga tuḿbakilanga ndandu?

Ba tusadisanga ayi ba tukyebanga. Bankulutu ba kimvuka, baǹtwadisanga, baǹsadisanga ayi baǹkyebanga kimvuka mu kimpevi. Kuzaba ti Nzambi wu bavana kiyeku beni ki ḿfunu, bawu basi ko zimfumu zi kimvuka vayi baǹsalanga mwingi nzingulu’itu yi ba yimboti ayi mayangi. (2 Kolinto 1:24) Bankulutu ba kimvuka baǹtombanga zaba kadi muntu widi mu kimvuka buka ǹsungi wu mamemi.Zingana 27:23.

Ba tulongisanga bu kuvangila luzolo lu Nzambi. Mu kadika lumingu bankulutu ba kimvuka baǹtwadisanga zinkutukunu ziǹkindisanga kiminu kitu. (Mavanga 15:32) Bawu ḿvawu baḿmonisanga ǹtungulu wumboti mu kutwadisa kisalu ki kusamuna, ba tulandakananga mu kisalu beni ayi ba tulongisanga zimpila ziǹkaka zi kusamunina.

Ba tukindisanga. Mwingi tu baka bu kukyebila kinzambi kitu, bankulutu ba kimvuka ba tubilanga mu zinzo ove ku Nzo yi Kiǹtinu, baǹsadilanga Kibibila mwingi ku tuvana mbombolo.Yakobi 5:14, 15.

Kubika kwandi lusadusu baḿvananga mu kimvuka, bankulutu baǹkaka badi na bisalu baǹzingisilanga makanda mawu. Dyawu tufweti bakinzikanga.1 Tesalonika 5:12, 13.

  • Kiyeku mbi bankulutu ba kimvuka badi?

  • Bwidi bankulutu ba kimvuka baḿmonisinanga ǹkinza mu kadika muntu?