Skip to content

Skip to table of contents

Zimbangi zi Yave

Select language Ibinda

 DILONGO 25

Kibila mbi ayi Bwidi Bantungilanga Zinzo zi Kintinu?

Kibila mbi ayi Bwidi Bantungilanga Zinzo zi Kintinu?

Nsi yi Bolívia

Nzo Kiǹtinu yinkulu ayi yimona ku Ningéria

Nsi yi Taiti

Yi zabikini Nzo yi Kiǹtinu, kibila malongi monso baǹtwadisanga muawu madi ma Kiǹtinu ki Nzambi—ǹtu dyambu wu malongi ma Yesu.Luka 8:1.

Bidi bibwangu bi mbwongimini yi Kyedika. Muawu baǹludikilanga kisalu ki kusamuna nsangu zimboti zi Kiǹtinu mu kimvuka. (Matai 24:14) Zinzo zi Kiǹtinu diswasana zidi mu ntungulu, ayi zifwana baǹsadilanga kwidi bimvuka biwombo. Mu miḿvu mi ma vyoka, tu ma tunga kumi di mafunda di Zinzo zi Kiǹtinu (maǹsundula ti tuǹtunganga zinzo 5 mu kilumbu) mu dyambu landakana mbwelumunu yi bimvuka. Buawu malenda bela?Matai 19:26.

Ziǹtungulwanga mu minkayilu miḿvewanga mu zyawu. Minkayilu beni miḿfilwanga ku Beteli mu dyambu bimvuka ba baka zimbongo zi ludikila voti tungisila Zinzo ziǹkaka zi Kiǹtinu.

Ziǹtungulwanga kwidi bantu ba miḿvila myonso ba kivana ayi ba nkembu ḿfutu. Mu zi nsi ziwombo, ba vanga Mangumba Maǹtunganga Zinzo zi Kiǹtinu. Miǹtungi ayi miǹsadisi myawu, baǹkwendanga mu kadi kimvuka mu zinsi zyawu mwingi kusadisa kutunga Zinzo zi Kiǹtinu. Mu zinsi ziǹkaka, baḿvananga kiyeku kwidi Zimbangi zi Yave ba mpisuka mwingi kutwadisa kisalu ki kuludika voti kutunga zinzo ziǹkaka zi Kiǹtinu mu mavula. Muma monso baǹsadilanga, baǹlutanga kukivana mu kisalu, Zimbangi zi Yave baǹkalanga va divula beni. Mpevi yi Yave ayi mangolo ma kyedika ma ǹkangu’andi, maǹsadisanga kisalu beni.Minkunga 127:1; Kolosai 3:23.

  • Kibila mbi bibwangu bitu tuḿbwongiminanga Nzambi bi zabikini Zinzo zi Kiǹtinu?

  • Bwidi buǹtungulwanga Zinzo zi Kiǹtinu mu nza yimvimba?