Skip to content

Skip to table of contents

Zimbangi zi Yave

Select language Ibinda

 DILONGO 7

Bwidi buḿvangiminanga zinkutukunu zitu?

Bwidi buḿvangiminanga zinkutukunu zitu?

Nsi yi Nova Zelândia

Nsi yi Japão

Nsi yi Uganda

Nsi yi Lithuania

Mu zinkutukunu zi baklisto ba nteti, baba kwimbilanga, sambilanga, baba tanganga ayi basa landakananga ko binkulu mu ntangulu yi Kibibila. (1 Kolinto 14:26) Wawu ǹtungulu wala dengana mu zinkutukunu zitu.

Malongi ma bongolu mu Kibibila madi ǹkinza lumbu ka lumbu. Va nsuka yi kadika lumingu, bimvuka byonso baǹkutakananga mu kulandakana Disolo di Kibibila di 30-di minutu mwingi kuzaba bwidi Masonoko Manlongo ma tusadisila mu luzingu ayi mu ntangu’itu. Befo bonso tuǹlandakananga matanga ma Kibibila mu Bibibila bitu. Bosi, tuǹlandakananga Ndongukulu yi A Sentinela, yiḿvangiminanga mu kilokolo ki mweka ayi wosokwa muntu wulenda koluka. Tuǹsadilanga levista A Sentinela yi ndongukulu mu kimvuka, yi tusadisanga mu kuzingila mu malongi ma Kibibila. Mu 110.000 (di bivevi) di bimvuka bidi mu nza yimvimba, baǹlandakanga malongi ma mweka.

Tuḿbakanga lusadusu bu longila mboti. Va nkati lumingu, tuḿvanganga lukutukunu luǹtoninanga mu Ndongukulu Kibibila yi Kimvuka, didi dilongi di byuvu ayi mimvutu diḿvangamanga mu 30 di minutu, diḿbwelanga nzayilu’itu mu miǹswa ayi mbikudulu zi Kibibila. Bosi, tuǹlandakananga Kikola ki Kisalu ki Nzambi, kiḿvangiminanga mu 30 di minutu, kiǹtoninanga mu mwa dilongi di matanga ma Kibibila ba nkomba baǹkubikanga. Bosi ko, minlonguki mi sonama mu kikola baḿvanganga mbonosono ayi bitini bi malongi. Ǹtwadisi wu Kikola wuḿvananga malongi malenda ku tusadisa kutanga ayi kulongisa mboti. (1 Timoteo 4:13) Va nsuka, mu Lukutukunu lu Kisalu, luḿvangiminanga mu 30 di minutu, tuǹlongukanga mu nzila yi malongi, zi mbonosono, koluka na mpovi, ayi bo tulenda longisila bantu Kibibila.

Bo wela kwenda mu zinkutukunu zitu, bu kyedika ti wela kwituka mu mpila yimboti yi longila Kibibila.Yesaya 54:13.

  • Mbi wulenda kuwa mu zinkutukunu zi Zimbangi zi Yave?

  • Mu zinkutukunu zitu, lukutukunu mbi wuǹtomba landakana?