Skip to content

Skip to table of contents

Zimbangi zi Yave

Select language Ibinda

Luzolo mbi Nzambi kadi?

Luzolo mbi Nzambi kadi?

Nzambi wuǹtomba bantu ba zingila mu mayangi ayi mu ndembama ḿvu ka ḿvu ku paladizu va ǹtoto!

Wulenda kuyikuvula: ‘Bwidi malenda bela?’ Kibibila kiǹtuba ti mala vangimina mu nzila yi Kiǹtinu ki Nzambi. Kyawu ḿvandi ki tukamba ti luzolo lu Nzambi, bantu bonso ba longuka matedi Kiǹtinu ayi lukanu lwandi mu befu.Minkunga 37:11, 29; Yesaya 9:7.

Nzambi wuǹtomba mamboti mu befu.

Banga Tata wuǹtomba mboti mu bana bandi, Yave wuǹtomba tu baka mayangi ma ḿvu ka ḿvu. (Yesaya 48:17, 18) Yave wu kanikisa ti muntu ‘wuḿvanganga luzolo lwandi wala baka monyo wu ḿvu ka ḿvu.’1 Yoane 2:17.

Nzambi wuǹtomba tudyatila mu nzil’andi.

Kibibila kiǹtuba ti Ḿvangi’tu wuǹtomba ku tulonga mu zi nzila zyandi ayi tu dyatila mu zyawu. (Yesaya 2:2, 3) Nandi wu ludika ‘dikabu didi dizina dyandi’ mwingi kusamuna luzolo lwandi mu nza yimvimba.Mavanga 15:14.

Nzambi wuǹtomba tuḿbwongiminanga va kimweka.

Mbwongimini yi Yave, yi tatulanga bantu ko angi yiḿbundisanga bantu mu luzolo lu kyedika. (Yoane 13:35) Banani baǹlongisanga bantu bu kusadila Nzambi mu kintwadi? Tu kudinda wu bakula mimvutu mu mwa buku ayiyi.