Skip to content

Skip to table of contents

Zimbangi zi Yave

Select language Ibinda

 DILONGO 2

Kibila mbi tuǹtedulwanga Zimbangi zi Yave?

Kibila mbi tuǹtedulwanga Zimbangi zi Yave?

Nowa

Abalami ayi Salai

Mose

Yesu Klisto

Bawombo baḿbanlanga ti Zimbangi zi Yave dizina di kinganga kimona. Va ma vyoka 2.700 di miḿvu kumbusa, bisadi bi Nzambi bi kyedika batedulu “zimbangi” zyandi. (Yesaya 43:10-12) Ti mu ḿvu 1931, tu ba zabakananga Minlonguki mi Kibibila. Kibila mbi tu yiza zabikinina Zimbangi zi Yave?

Dyawu dinzabikisa dizina di Nzambi. Mu masonokwa ma nkulu, dizina di Nzambi, Yave, di sonama mafunda na mafunda di zinkumbu mu Kibibila. Mu bi Bibila biǹkaka, bavingisa dizina beni mu zintedulu: Mfumu ove Nzambi. Angi Nzambi yi kyedika wu zabikisa dizina dyandi, kwidi Mose bo kaǹkamba: “Yoyo i nkumbu ami ntangu yi ka yimani.” (Esodu 3:15) Dyawu nandi wu monisa diswasana na zi nzambi zi luvunu. Mayangi twidi mu kunata dizina dinlongo di Nzambi.

Dizina beni dinzabikisa kisalu kitu. Mu ntangu yi nkulu, bantu bawombo bata kimbangi ki kiminu kyawu mu Yave. Wu nteti mu bawu wu ba Abeli dibakala di songa. Mu vyokila ntangu, Nowa, Abalami, Salai, Mose, Davidi, ayi baǹkaka bavanga dikabu di “tuti diodio diadinene diambangi.” (Ebeleo 11:4–12:1) Bo bu tulenda tela kimbangi mu muntu wu nkambu kibila mu lufundusu, buawu befu twididi kimbangi mu kyedika kitedi Nzambi.

Tuǹlandakananga kifwani ki Yesu. Nandi zabikini mu Kibibila “mbangi yakwikama ye yakedika.” (Nzaikusu 3:14) Naveka Yesu wu tuba ti ‘wu zabikisa nkumbu yi Nzambi’ ayi waba ‘vananga kimbangi ki kyedika kitedi Nzambi.’ (Yoane 17:26; 18:37) Dyawu minlandikini mi kyedika mi Klisto bafweti nata dizina di Yave ayi ku di zabikisa. Mawu mangolo Zimbangi zi Yave baḿvanganga.

  • Kibila mbi Minlonguki mi Kibibila bayiza zabikinina dizina Zimbangi zi Yave?

  • Ntangu mbi Yave ka tonina bakila Zimbangi va ǹtoto?

  • Nani lutidi mu Zimbangi zyoso zi Yave?