Skip to content

Skip to table of contents

Zimbangi zi Yave

Select language Ibinda

 DILONGO 3

Bwidi ba bwe bakudila kyedika ki Kibibila?

Bwidi ba bwe bakudila kyedika ki Kibibila?

Minlonguki mi Kibibila, mu ḿvu 1870

Levista yitheti yi A Sentinla, mu mvu 1879

A Sentinela mu bilumbu bitu

Kibibila ki tuba ti kumbusa lufwa lu Yesu, mu kimvuka ki baklisto, mwala kota baklisto ba luvunu bala zimbikisa kyedika. (Mavanga 20:29, 30) Bu vyokila ntangu ma yiza monika. Bawu ba votikisa malongi ma Yesu ayi mayindu ma Bapakanu. Buawu bu yiza basikila baklisto ba luvunu. (2 Timoteo 4:3, 4) Bwidi tulenda bela lufyatu ti twidi nzayilu yi sulama ma Kibibila kaǹlonga mu ntangu’itu?

Ntangu Yave yi kuzabikisila kyedika. Yave wutuba ti mu ‘bilumbu bi nsuka nzayilu yi kyedika yala ba yiwombo.’ (Danieli 12:4) Mu ḿvu 1870, mwa dingumba di bantu baba tomba bakula kyedika, ba mona ti malongi mawombo ma binganga masa ba ko masulama mu malongi ma Kibibila. Dyawu, ba tonina tomba mwingi bwe bakula malongi ma kyedika ma Kibibila, ayi Yave wu ba sakumuna.

Babakala ba lufyatu ba bwisa miǹtima mu kulonguka Kibibila. Minlonguki mi nteti mi Kibibila ba landakana ndongukulu yi Kibibila tuǹsadilanga ti bubu. Bawu baba longukanga Kibibila mu dyambu ka dyambu. Bo baba dengananga lutangu lwidi mpasi mu kuvisa, baba tombanga nsudukusu mu matanga maǹkaka. Ba kumona madi ngwizani baba sonikanga mawu. Mu kubika Kibibila kyawu veka kisudikisa nsundu matanga, dyawu ba yiza bakudila kyedika mu matedi dizina di Nzambi, Kiǹtinu kyandi, lukanu lwandi mu bantu ayi va ǹtoto, kyedika kitedi bafwa ayi dyana di luvulubukusu lu bafwa. Ntombulu’awu yi kyedika yi ba kula mu mavanga mambi ayi malongi ma binganga bi luvunu.Yoane 8:31, 32.

Mu ḿvu 1879, Minlonguki mi Kibibila ba yiza bakula ti yi ba ntangu yi kusamuna kyedika mu bufweni. Dyawu, ba tonina kusamuna mu ḿvu beni A Sentinela Anunciando o Reino de Jeová, levista tuǹyamikisanga mu bilumbu bitu. Mu ntangu’itu, tuǹsamunanga kyedika Kibibila mu 240  di zinsi mu kuvyoka 750 di zimbembo. Ntangu’itu yi ma luta nzayilu yi kyedika!

  • Bo Klisto ka fwa, mambu mbi ma yiza monika matedi kyedika ki Kibibila?

  • Mbi bi tusadisa tu bwe bakula kyedika ki dyambu di Nzambi?