Skip to content

Skip to table of contents

Zimbangi zi Yave

Select language Ibinda

 DILONGO 8

Kibila mbi tuḿvwatilanga mboti bo tuǹkwendanga mu zinkutukunu?

Kibila mbi tuḿvwatilanga mboti bo tuǹkwendanga mu zinkutukunu?

Nsi yi Islândia

Nsi yi México

Nsi yi Guine-Bissau

Nsi yi Filipinas

Ma mona zi foto zidi mu mwa buku ayiyi mpila Zimbangi zi Yave baḿvwatilanga bo baǹkwendanga mu zinkutukunu? Kibila mbi tuḿvwatilanga bu fweni?

Mwingi kumonisa Nzamb’itu lukinzu. Bu kyedika, Nzambi ka talanga mpwatulu ko. (1 Samueli 16:7) Angi bo tuǹkutakananga mu kuḿbwongimina, mayindu mitu ma kumonisa lukinzu mu nandi ayi zinkomba zitu. Bo ti ku nzo lufundusu ba tutumisini, tuǹtombanga vwata mboti mu dyambu kinzika ḿfundusi. Dyawu, tuḿvwatilanga buboti bo tuǹkwendanga mu zinkutukunu mu dyambu kukinzika ‘Ḿfundusi wu ǹtoto wumvimba’ Yave Nzambi, ayi bwangu tu kuḿbwongiminanga.Ngenesi 18:25.

Mwingi kuyindula miǹswa miǹnatisa luzingu lwitu. Kibibila kiǹtuba ti baklisto ba fweti vwata mboti ayi mu lukinzu. (1 Timoteo 2:9, 10) Kuvwata mboti kuǹsundula kumanga mpwatulu yi nkambu fwana, yiḿmonisanga nyitu ayi miḿvwatu mi nkufi. Angi, kuba kikansansa ki mboti ki tusadisa mu sola miḿvwatu mi mboti mi manga luta mu nyitu ayi miǹtula divunza mu nyitu. Miǹswa beni milenda bikila muntu ka muntu kasola bo katidi vwatila. Nketi mu zinkadulu zitu zimboti, tulenda zitisa Nzambi. ( Tito 2:10; 1 Petelo 2:12) Mpwatulu’itu yimboti bo tuǹkwendanga mu zinkutukunu, yilenda sadisa bantu ba kinzika mbwongiminu’itu kwidi Yave.

Nketi wisiko mimwatu dedi midi mu zifoto azizi, bika kutina kwenda mu zinkutukunu. Mimvwatu mitu misi ǹtombila ko mi ba mintalu, vayi mi fweti ba misukulu ayi miḿmonikina mboti.

  • Kibila mbi mpwatulu’itu yididi ḿfunu bo tuḿbwongimina Nzambi?

  • Miǹswa mbi miǹtwadisanga mpwatulu’itu?