Skip to content

Skip to table of contents

Zimbangi zi Yave

Select language Ibinda

 KYUVU 7

Mbi Yifweti Vanga ba Kukhwika Kubundana Nyitu?

Mbi Yifweti Vanga ba Kukhwika Kubundana Nyitu?

NKINZA MBI KUYIKUVUSA

Makani wumbaka mu matedi kubundana nyitu ava kukwela, malenda kutwadisila mambu kuntwala.

MBI WULENDA VANGA?

Yindula kifwani akiki: Vama vyoka ngonda wadi tona Helena kamona Miguel. Vayi mu mbwenu’andi buka thama kanzaba. Bawu baba kolukanga bilokolu biwombo mu telefone mu kufilasananga zi mensagem. Vayi Miguel kasintomba ko to masukila mu kukolukanga.

Mu ngonda wadi beni zima vyoka Miguel ayi Helena batona kusimbasana mu koko ayi kuvanasana zi beijo. Helena mengi kubwe vanga mankaka. Vayi Nandi kasintomba ko kumanisa kikundi na Miguel, kibila Miguel wukunkinzikanga ayi wukumbekanga buboti. Helena wubwe tuba ‘befu tunzolasananga beni . . . ’

Boti ngye widi mimvu mifweni mu kutona makangu ayi wiza monikina mambu mamonikina Helena, mbi wulenda vanga?

YINDULA!

Kubundasana nyitu, khayilu Nzambi kavana kwidi bakwela. Befu kumavanga ava kukwela, kwidi banga mutu wu kukabila kikhutu kimboti, vayi ngye wukitula kyawu kitendi ki kusukudilanga nzo

Boti bakulubudi ti khuka yinkwiza ku tho nlangu, ngye kufinda ziphaka, khuka yilenda kunata. Bo buawu mvandi ngye kufinda ziphaka mu mambu malenda kuvanga kubundana nyitu ava kukwela, muna wulendi tuba ko ti ‘wuntinanga kitsuza.’​—1Tesalonika 4:3.

Mambu mbi ma phasi tulenda monikina befu kubayisa minsiku mi Nzambi? Kibibila kintuba: “Woso vengi disumu di kitsuza vodisidi nitu’andi masumu.” (1 Kolinto 6:18) Bwidi malenda bela?

 Bamfyonguninanga mambu matedi matoko, babakula ti matoko mawombo ba bundana nyitu ava kukwela, bamonikina mambu madi va wanda.

  • KYUNDA. Bawombo babundana nyitu ava kukwela, banyonginanga mambu bavanga.

  • BAMMANANGA LUFYATU. Bawombo babundana nyitu ava kukwela ba yikuvusanga, ‘banani bankaka bambundasananga yandi nyitu?’

  • MANYONGI. Bakyeto bantubanga ti bantyanga dibakala wu kunkinzika kubika wu kunsakinina. Angi matoko mawombo bantubanga ti na kuzaba nyitu yi mwana nkyeto kalenda mana nzala mu kunkwela.

  • Simbidila dyambu adidi: Ngye kukikana kubundasana nyitu ava wukwela, wala ba mu kyunda buka mutu bezimbisa kyuma ki thalu. (Loma 1:24) Nyitu’aku luvalu yidi, diawu ka wubika basakinina yawu!

Monisa ti ngye widi mangolo ma kutina kubundana nyitu ava wukwela.(1 Tesalonika 4:3) Bo wala kwela, buawu to wala bundana nyitu mu kukhambu mona ziphasi, kyunda ayi manyongi mammonanga mana bankaka.​—Zingana 7:22, 23; 1 Kolinto 7:3.

 BWIDI WUMMWENA?

  • Boti nandi wukuzolanga, bukyedika kwandi ti kalenda vanga mambu ma kutwadisa ziphasi ayi kyunda?

  • Boti mutu beni wukuvwanga nkinza, kalenda vanga mambu mwingi kubivisa kinthwadi kyaku na Nzambi?​—Ebeleo 13:4.