Skip to content

Skip to table of contents

Zimbangi zi Yave

Select language Ibinda

 KYUVU 3

Bwidi Yilenda Kolukila na Matata Mami?

Bwidi Yilenda Kolukila na Matata Mami?

NKINZA MBI KUYIKUVUSA

Ngye kuzinga buboti na matata maku, luzingu lwaku lwala ba ndembama.

MBI WULENDA VANGA?

Yindula kifwani akiki: Va bwilu mu kilumbu kintatu. Jorge widi 17 di mimvu, mamana kuvanga kisalu kyandi ki nzo ayi vwendi va kikundu mwingi kavunda fyoti ayi katala Televisão.

Mu thangu beni Tat’andi zibudi nzo ayi wumweni nandi kukhati wuntala Televisão; Tat’andi kangidi lulunzi.

“Jorge! Kibila mbi wumvyokisila thangu kutalanga televisão wukhambu sadisila khomb’aku kisalu bamveni mu kikola? Ngye wuvanganga ko bisalu bakutuma!”

“Benu mwa bwe vulumuna mambu,” Jorge wunnyonga bo bakhambu kuntondanga mu mambu kamvanga.

Tat’andi bo katala kumbusa wunyuvula: “Mbi matuba, Jorge?”

Jorge wutala Tat’andi dikyebo ayi wunkamba “yisa tuba dyambu ko.

Angi tat’andi wunkambila mu nganzi. “Bika kunangunanga mbembo bo wunkoluka yama!”

Boti ngye Jorge, khanu mbi bevanga mwingi wubika monikina mambu amomo?

YINDULA!

Kukoluka na matata maku kwidi banga mutu wundyatisa dikalu. Na kudengana ntoto wube bulumuka mu nzila, kalenda vyokila va khonzo voti nzila yinkaka.

 

 Tala Kifwani:

Lelo wutuba: “Minu mwa phasi yimmonanga kukoluka na Tat’ama, kibila kavwanga ko nkinza ma yinkoluka ayi wuntubanga: ‘Lemvuka, minu wunkamba?’”

MAMBU MATATU LELO KALENDA SOLA KUVANGA.

  1. Kunangunina tat’andi mbembo.

    Lelo katenduka, “Ngye yinkamba ve! Yuwa, amama nkinza madi!”

  2. Kabika bwe kolukanga na tat’andi.

    Lelo, kabika bwe kambanga tat’andi mambu mandi ma luzingu?

  3. Katedimina thangu yifweni.

    Lelo kavingila thangu yifweni mwingi kayoluka na tat’andi mu malembi ayi va baveka, voti kasonika mambu beni mu nkanda.

Ntanda mbi widi va yilu Lelo kafweti sadila?

YINDULA: Tata yi Lelo, kasinzaba ko mamvyoka mu mwan’andi. Diawu Lelo na kusola Ntanda A, ḿba tat’andi kalenda fwema ove manga kubwe vwa nkinza mambu kankoluka. Ayi Lelo na kuvanga mawu, muna kasyedi ko lukinzu ayi kasi bwe zitisa ko tat’andi. (Efeso 6:2) Bukyedika Ntanda A vasi ko mutu wulenda bakila wawu ndandu.

Boti phila wunkolukilanga na matata maku, yiba fwemisanga, muna balula phila yi kukolukila yi lukinzu mwingi kubafikama

Matedi Ntanda B, didi buka diyindu dimboti, vayi yisi ko mbonosono yi ndwenga. Kibila mwingi Lelo kabaka makani mamboti kafweti zabikisa Tat’andi mwingi kabaka bu kunsadisila. Diawu kuvwena swi disi ko diyindu dimboti.

Mu matedi Ntanda C, Lelo mengi mambu mankaka matula nkaku mu kukoluka na Tat’andi. Vayi wuntedimina thangu yifweni mwingi kubwe kolukila mawu. Voti na kusonikina Tat’andi mambu beni mu nkanda, nandi kalenda ba buboti.

Kusonika mambu beni mu nkanda didi diyundu dimboti dilenda sadisa Lelo kuzabikisa mabanza mandi kwidi Tat’andi mwingi kabaka bu kunsadisila. Diawu ntanda C ndandu widi kwidi Lelo ayi Tat’andi kibila widi ngwizani na dilongi di Kibibila dintuba: “Tutomba mambu mannatanga ndembama ayi momo meti kutukindisa.” ​—Loma 14:19.

Mbi binkaka Lelo kalenda vanga?

Boti zebi dyambu dinkaka kalenda vanga, sonika diawu va wanda. Ayi sonika mvandi malenda monika na kunatina mawu phila bemwena.

 VANA MVUTU WU KHAMBU TULA MATATA MAKU DIVUDA

Zaba kwaku ti mambu wunkoluka, matata maku balenda mavisila mu phila yinkaka.

TALA KIFWANI AKIKI:

Matata maku ba kukuvula kibila wididi mu kyunda, mvutu’aku wa kuba “minu yimengi kutubila mambu amomo,” bwidi balenda visila mawu?

Matata maku balenda yindula ti ngye betuba: “Minu yimufyatilanga beni ko, voti mboti yikamba bakundi bama dyosokwa dyambu yidi, kubika kwandi beno”

Yindula boti mu mambu widi. Tat’aku wuntomba kusadisa mu mambu beni, ngye kunkamba ti “bika kwaku kutatubuka minu veka yilenda kindama.”

  • Tat’aku kalenda yindula ti:

  • Wulenda sonika mvutu wumboti wu kumvana: