Skip to content

Skip to table of contents

Zimbangi zi Yave

Select language Ibinda

 KYUVU 4

Yinkikininanga Zinzimbikini Zyama?

Yinkikininanga Zinzimbikini Zyama?

NKINZA MBI KUYIKUVUSA

Kukikinina zinzibikini zyaku, mbonosono ti ngye weka mayindu ma bukhulutu ayi bankaka balenda kufyatila.

MBI WULENDA VANGA?

Yindula kifwani akiki: Zé wunsakana na bakundi bandi, bo kakuba bola, yikota va nela ku nzo ngana.

Boti ngye Zé, khanu mbi wuvanga?

YINDULA!

WIDI MAMBU MATATU WULENDA VANGA:

  1. Kutina.

  2. Kuvana bankaka foto.

  3. Kukikinina mabe monika ayi kufuta kyoso kwa kyuma kibe vavuka.

Ngye wulenda yindula ti ntanda A, wawu wufweni. Angi nkinza beni kukikininanga zinzimbikini zyaku​—kheti nela yibe vavuka voti kyuma kinkaka.

Kukikana zinzimbikini zyaku kwidi buka mutu wundyatisa dikalu mu kutala mu lumweno lummonisanga kumbusa

 KIKANA ZINZIMBALA ZYAKU

  1. Diawu dyambu di nkinza fweti vanga.

    Kibibila kintuba: “Tutidi ba khadulu yimboti mu mambu moso.”​—Ebeleo 13:18.

  2. Bawombo bafika lemvukilanga mutu na kukikana zinzimbala zyandi.

    Kibibila kintuba: ‘Wosokwa mutu wunswekanga masumu mandi kalendi nunga ko; vayi woso mutu wumfungula masumu mandi wala baka nlemvo.’​—Zingana 28:13.

  3. Mawu Nzambi kantomba.

    Kibibila kintuba: ‘Yave khakumusu kammonanga nkwa mambi, vayi widi kikundi na mutu wusonga.’ ​—Zingana 3:32.

Celina widi 20 di mimvu, bo banzengila nkanu kwidi ntinu, nandi wusweka wawu kwidi tat’andi. Luvunu bo lwidi malu makhufi, Celina wutuba: “Mambu mayiza ba ngolo kibila mvu wumweka to wuvyoka tat’ama wubakula nkanu beni banzengila wuba mu dizina dyami!”

Mbi tulenda longuka? Celina wutuba: “Kusweka zinzimbala zyaku, mambu mankaka to mantwadisanga ayi wala futila mawu yosokwa thangu.”

LONGUKA MU ZINZIMBALA ZYAKU

Kibibila kintuba: “Beto boso tueti vanga zinzimbala mu zinzila zi phila mu phila.” (Yakobi 3:2) Dedi bo tuma mwena kumbusa, kukikinina zinzimbala zitu mbonosono ti tukikululanga ayi twidi mayindu ma bukhulutu.

Longuka mu zinzimbala zyaku. Verónica wutuba: “Minu yimmonanga zinzimbikini zyama banga lwaku lu kulongukila kuvanga mambu mu phila yisulama.” Tala bwidi wulenda vangila mawu.

Boti mvelo be dinda tat’aku, wube vavaku. Mbi fweti vanga?

  • Kusweka mawu tat’aku mwingi kabika kuzaba.

  • Kukamba tat’aku kyedika ki mambu.

  • Kuvana foto kwidi mutu wunkaka.

Ngye kukhambu vyoka nzo yinkaka yi kikola mu khambu kubama buboti. Mayindu mbi wala ba?

  • Malongi beni mawu malutidi ngolo?

  • Wunkwiza kikinina ti wisa kubama ko buboti?

  • Nlongisi’aku wunkwiza vana foto ti nandi kabasa kutyanga ko?

Kukikana zinzimbikini zyaku kwidi buka mutu wundyatisa dikalu mu kutala mu lumweno lummonisanga kumbusa

 Yindula bifwani tuma tubila kumbusa, boti ngyewu widi (1) tata voti (2) nlongisi. Bwidi wulenda mwena boti mwana be kikinina ti widi foto? Mbi balenda yindula ngye kumanga kikinina zinzimbala zyaku?

Yindula zinzimbikini zyaku wuvengi mvu wubedi ayi vana mvutu mu byuvu abibi.

Dyambu mbi dimbi yivanga? Bwidi yi bikila vanga diawu?

  • Yisa di tuba ko.

  • Yivana foto kwidi mutu wunkaka.

  • Yikikinina nzimbikini zyama.

Bwidi yi mwena mu ntima, bo yi khambu kikana dyambu dimbi yi vanga?

  • Minu​—yivuka mu mambu beni!

  • Ndiyivana foto​—Minu khanu yituba kyedika.

Bwidi wubina ludikila mambu beni mu phila yifweni?

Mbi wulenda longuka mu zinzimbala zyaku?

BWIDI WUMMWENA?

Kibila mbi batu bankaka bammanginanga kukikinina zinzimbala ziawu?

Bwidi batu bala kuyindudila, ngye kuswekanga zinzimbikini zyaku? Ayi mayindu mbi bala ba ngye kukikananga zinzimbikini zyaku?​—Luka 16:10.