Skip to content

Skip to table of contents

Zimbangi zi Yave

Select language Ibinda

 DILONGO 54

Yave Wuvibidila Beni mu Mambu Yona Kavanga

Yave Wuvibidila Beni mu Mambu Yona Kavanga

Nineve diba divula di tsi Asilia, batu baba kalanga kuna, baba beni mavanga mambi. Dyawu, Yave katumina mbikudi’andi Yona kenda kuna mwingi kabakamba babika mavanga mawu mambi. Mbi Yona kavanga bo Yave kamkamba kenda ku Nineve? Nandi wubaka dikumbi ayi wutina ku divula di mweka diba kinanu baba tedilanga Talasi.

Bo dikumbi beni diba mu ḿbu, bazimbukila kivuka ki ngolo kitona kunikuna dikumbi. Batu baba dyatisa dikumbi beni, batona kumona boma ayi batona kusambila zi nzambi zyawu mwingi bazaba mbi babe monikina kivuka beni. Yona bo kamona bobo, wiza kamba batu beni: ‘Benu muzebi? Foti yama, kibila Yave bethuma ku Ninive vayi minu yi betina. Benu kukhuba mu ḿbu, kivuka sa kimana!’

Vayi bawu basa tya ko kunkuba mu nlangu. Angi Yona wuba kwika bavanga mawu. Thangu bawu bankuba mu nlangu, kivuka beni kiza mana. Bo kabwa mu nlangu, Yona wutona kudyama ayi kabanzila ti wenfwa. Dyawu kavangila nsambu kwidi Yave. Mu thangu beni, Yave wufidisa mfu yinene beni yimina Yona, vayi nandi kasa fwa ko. Mu kivumu ki mfu, nandi wubwe tona kusambila: ‘A Yave, tona mu kilumbu akiki, yilendi bwe bayisa ko minsiku miaku.’

Yona wuvanga bilumbu bitatu mu kivumu ki mfu. Bosi Yave wuvanga mfu beni yiluka Yona va disimu di mbu. Mansundula ti yiba thangu mwingi Yona kavutuka ku nzo’andi? Ndamba. Yave wubwe  nkamba kenda ku Nineve ayi nandi wutumamana. Bo kavitila kuna, nandi wutona kulubula batu ti: ‘40 kwandi di bilumbu binkhambu mwingi Yave katulula Nineve.’ Ngye zebi mambu masalama? Ntinu wu Nineve wukamba batu boso: ‘Ndoko’anu tubalul’anu mavanga mitu ayi tulinda nlemvo kwidi Nzambi, keni nandi kalenda kutulemvukila.’ Thangu Yave kamona ti bawu babalula mavanga mawu, nandi wiza balemvukila.

Yona wu dasuka beni thangu kamona ti Yave wulemvukila basi Nineve. Tala kwaku: Yave wumonisa kyadi ayi mvibudulu kwidi Yona, vayi Yona kasa monisa ko kyadi kwidi basi Nineve bo babalula mavanga mawu. Nandi waba tomba mwingi Yave kavonda basi Nineve. Yona wubotuka ku Nineve wiza kwenda khonzu yinkaka. Bo kamona mwinya, wiza swama ku tsi nti. Vayi nti beni wiza kuma. Nandi kasa tya ko thangu nti beni wuyuma. Yave waba tomba kulongisa dyambu di nkinza kwidi Yona dyawu kayumisina nti beni. Zebi mbi Yave kankamba? ‘Ngyewu wummona kyadi nti wukhambu kuna bo wuma kuma, bwabu minu yibika mona kyadi ki batu boso badi ku Nineve?

“Yave . . . weti tuvibidila beni, kibila kakadi zola ti wumosi kabungana. Vayi wuntomba ti baboso babalula mavanga.”​—2 Petelo 3:9