Skip to content

Skip to table of contents

Zimbangi zi Yave

Select language Ibinda

 DILONGO 52

Nkangu wu Masodi Mangolo ma Yave

Nkangu wu Masodi Mangolo ma Yave

Bene-Hadadi ntinu wu Sili, wumeka khumbu ziwombo kunwanisa bana ba Isaeli. Angi Elisa mbikudi wu Yave waba lwengisanga khumbu zyoso ntinu wu Isaeli. Diawu makani moso Bene-Hadadi kaba, mafuba. Kilumbu kinkaka, nandi wutuma nkangu wunneni wu masodi ma Sili mwingi banuanisa divula di Dotani ayi bakanga mbikudi Elisa.

Masodi ma basi Sili bwilu bavitila ku Dotani. Kilumbu kinkaka, kisadi ki mbikudi Elisa bo kabasika ku nganda wumona ti masodi ma basi Sili bamana kuzungidila divula dyoso. Nandi wumona boma ayi wutenduka: ‘Elisa, mbi tulenda vanga?’ Mbikudi Elisa wuntambudila: ‘Bika kumona boma. Kibila badi ku khonzu’itu balutidi.’ Mu thangu beni, Yave wuvanga kisadi ki mbikudi Elisa kamona mangitukulu. Nandi wumona ti myongo myoso mi zungidila divula, miba miwala zikavalu zimbazu ayi makalu mambazu bannwaninanga mimvita.

Thangu masodi ma Sili bayenda mwingi kukanga Elisa nandi wudinda lusalusu kwidi Nzambi: ‘A Yave vanga batu bobo bafwa meso.’ Masodi beni basa fwa ko meso vayi, basa bwe zaba ko vama  baba. Bosi Elisa wubakamba: ‘Mutu luntomba, kakalanga ko va dibweti adidi, angi twendi’anu mwingi yilumonisina.’ Masodi beni balandakana Elisa nate ku Samalia kuba kalanga ntinu basi Isaeli.

Bo masodi beni bavitila kuna, basa bwe zaba ko ma kuvanga. Ntinu basi Isaeli wiza kuvula Elisa: ‘Yivonda baboso? Yindula kwaku, Elisa wuba lwaku mwingi kuba vonda angi kasa mavanga ko. Nandi wukamba ntinu kaba vana bidya ayi kababikila mwingi benda kuawu. Bosi Ntinu wubavangila nkungi wunneni ayi wuba kamba benda.

“Ayi tala diana diodi tuidi mu Nzambi: Enati tulombidi diambu dimosi boso buididi luzolo luandi, niandi wukutuwilanga.”​—1 Yoane 5:14