Skip to content

Skip to table of contents

Zimbangi zi Yave

Select language Ibinda

 DILONGO 38

Yave Wuvana Samisoni Mangolo

Yave Wuvana Samisoni Mangolo

Bana ba Isaeli babwe vutukila kubwongimina bitumba, diawu Yave Nzambi kabikila basi Filistea mwingi baba tovula ayi bakengidila ntoto wu Isaeli. Vayi va khati’awu vaba mwa batu baba bwongiminanga Yave. Buka dibakala dimweka baba tanguninanga Manoa ayi nkazi’andi. Angi bawu basa ba ko ni mwana wumweka. Kilumbu kinkaka Yave wufila Mbasi kwidi nkazi wu Manoa mwingi kankamba: ‘Ngye wunkwiza buta mwana ayi nandi wala vukisa bana ba Isaeli mu myoko mi Bafilistea.’ Nandi wunkwiza ba Nazileu. Ngye zebi nazileu muna mbi? Biba bisadi bi Yave bi thangu ka thangu ayi baba zenganga ko milengi.

Buvyokila thangu biza buta mwana ayi bantedila Samisoni. Bo kayonzuka, Yave wuvanga Samisoni kaba dibakala di zangama ayi dingolo. Buka kilumbu kinkaka Samisoni wuvonda khosi mu myoko. Wubwe vonda nafeka to 30 di bafilistea. Basi Filistea balenda beni Samisoni ayi baba tomba phwasa mwingi kumvonda. Bwilu bu mweka bo Samisoni kaba lala ku divula di Ngasa, basi Filistea bayenda va mwelo mwingi bamvonda mu meni. Vayi va khati bwilu, Samisoni wukotuka ayi wuyenda va mwelo wu divula beni. Nandi wunanguna bibaka mu mavangiti mandi ayi wuyenda bitetika va mbata mongo wuba wufikama na divula di Hebeloni!

Basi Filistea bo bayiza zaba ti Delila wuba makangu ma Samisoni, bawu bankamba: ‘Befu tunkwiza kufuta zimbongo ziwombo zi palata ngye kubakula kibila Samisoni kadidi beni mangolo, kibila befu tutidi kunkanga ayi kuntula mu buloko.’ Delila bo kaba tomba zimbongo wiza kikinina. Va thonono, Samisoni wumanga kunkamba kibila kabela mangolo malutidi. Angi bo kantatisila ngolo, nandi wiza nkamba: ‘Minu yidi Nazileu ayi bazenganga ko milengi myama, kibila ba kuzenga miawu, mangolo mami mala mana.’ Samisoni dyambu dimbi kavanga kuzabikisa Delila mambu beni?

Delila mu thinu wuyenda zabikisa mawu kwidi basi Filistea ayi wubakamba: ‘Minu yima bakula kibila mbi kadidi mangolo!’ Nandi  wulalisa Samisoni mu khat’andi ayi wudinda mutu wunkaka kazenga milengi myandi. Delila bosi wukamba Samisoni: ‘Kotuka, tala basi Filistea bama kwiza kubwila!’ Samisoni wukotuka, angi kasa bwe ba ko mangolo. Bosi basi Filistea bankanga, bantobula meso ayi bantula mu buloko.

Kilumbu kimweka, basi Filistea bakutakana mu nzo yi nzambi’awu Dangoni ayi bawu baba tenduka: ‘nzamb’itu be tuvana Samisoni! Tala, ntwalanu akuku mwingi tunsakinina.’ Basi Filistea bakwika Samisoni katelama mu makunzi mwadi ayi baba kunsakininanga. Samisoni wutenduka: ‘Ah Yave ndemvukila, phana mangolo ntulu awuwu.’ Buvyokila thangu milengi mi Samisoni mi bwe konzuka beni. Bosi nandi wiza nunguna makunzi ma Nzo yi nzambi’awu mu mangolo. Kibanga kyoso kimana kubwa va tsi, batu boso baba muna bamana kufwa ayi Samisoni mvandi wufwa.

“Minu ndilenda vanga mambu mamo mu diambu di mutu wowo wukukhindisanga.”​—Filipi 4:13