Skip to content

Skip to table of contents

Zimbangi zi Yave

Select language Ibinda

 DILONGO 7

Kibanga ki Babeli

Kibanga ki Babeli

Bo khuka yi nlangu yivyoka, bana ba Nowa babuta bana bawombo. Buvyokila thangu, makanda mawu mayiza ba ma manneni ayi batona kutyamuka mu nza yimvimba dedi bubela makani ma Yave.

Vayi makanda mawombo ba manga kutumamana Yave. bawu batuba: ‘Tuzingilanu befu baboso va kimweka mwingi tubika tyamuka mu nza yimvimba. Diawu ndokwanu tutunga kibanga kinangama kilenda vitila ku diyilu mwingi tuzabakana mu ntoto woso!’

 Angi Yave kasa tya ko mambu baba tomba kuvanga. Ngye zebi mbi kavanga? Yave wuvanga batu boso batona koluka zimbembo zivyakana mwingi kufubisa mayindu mawu ayi babika kubwe tunga kibanga beni. Diawu batedila divula beni Babeli, mansundula “Divunza.” Bo mambu amomo mamonika, batu batona kutyamuka mu bibwangu binkaka ayi batatamana kuvanga mambu mambi. Bukyedika ti vasa ba ko ni mutu wumweka waba zolanga Yave ayi waba vanganga mambu mamboti? Kapu yinlanda tunkwiza tubila mawu.

“Bila woso wukukikululanga wela nanguku ayi woso wukukinangikanga wela kululu.”​—Luka 18:14