Skip to content

Skip to table of contents

 DILONGO 102

Bimona Meso Yoane Kamona

Bimona Meso Yoane Kamona

Bo mvwala Yoane kaba mu buloku ku zungu di ntoto di Patimosi, Yesu wummonisina nanga 16 di bimona meso voti bifwani mu mambu mala monika ku ntwala. Biawu bimonisa bwidi Yave kala vangila dizina dyandi diba dinlongo, Kintinu kyandi kyala kwizila ayi bwidi luzolo lwandi lwela vangimina va ntoto dedi bu lumvangimina ku diyilu.

Mvwala Yoane wumona theti Yave va kikundu kyandi kinkembo ku diyilu, ayi 24 di bakhulutu bazungididi kikundu kyandi, baba bavwata mazwela maphembi ayi zi koloa zi wola ku ntu. Minda buka zitsyemo, ayi bidumi biba basikila va kiandu ki Yave. 24 di bakhulutu bazungididi kikundu ki Yave, bafukama va ntwala mwingi kubwongimina Yave. Bosi Yoane wumona nkangu wu batu bafumina mu zitsi zyoso, zimbembo zyoso ayi mimvila myoso baba bwongimina Yave. Yesu Klisto (Mwana meme), wunata batu beni va tho yi minlangu mi luzingu. Mu kimona meso kinkaka, Yesu wutona kuyala ayi 24 di bakhulutu. Bosi Yoane wumona Yesu wabe nwana ayi Dalago, nyoka yikhulu voti Satana ayi ziphevi zimbi. Yesu wukuka Dalago ayi ziphevi zimbi ku diyilu, ayi bawu bayiza va ntoto.

 Yoane wumona mvandi kimona meso kinkaka kimboti (Mwana meme), ayi 144. 000 di batu baba batelema va mongo wu Sioni. Yoane wubwe mona mbasi waba dyengidila ntoto woso, mbasi beni wuba lubula batu babwongimina Nzambi.

Mu kimona meso kinkaka, wumona mvita wu Halamangedo, mu mvita beni Yesu ayi nkangu wu zimbasi banunga luyalu lu Satana va nza. Bosi mu kimona meso kitsuka, Yoane wumona ngwizani ayi kinthwadi ki luyalu lu diyilu ayi va ntoto. Bosi Satana ayi baboso badi ku khonzo’andi baba bunga. Bo mambu moso amomo mala mana kuvagana, baboso ku diyilu ayi va ntoto bala kinzika dizina di Yave ayi nandi to bala bwongiminanga.

‘Minu yala tula kimbeni ngyewu ayi nkyeto, nkunu’aku ayi nkunu’andi. Nandi wela kukosikisa ntu ayi ngye wela kundoda va kikodi.’​—Ngenesi 3:15