Skip to content

Skip to table of contents

Zimbangi zi Yave

Select language Ibinda

 DILONGO 76

Yesu Wuyenda ku Tempelo

Yesu Wuyenda ku Tempelo

Vasa bwe vyoka ko zingonda ziwombo tona Yesu kabotama mu mvu 30, nandi ayi batu bawombo bayenda ku Yelusalemi mu nkungi wu Pasika. Mu nkungi beni, baba vananga mikhayilu mi bibulu ku tempelo. Batu bankaka baba twalanga bibulu biawu ti ku Yelusalemi, vayi bankaka baba sumbilanga biawu ba kuvitila ku Yelusalemi.

Bo Yesu kayenda ku tempelo, wumona batu baba sumbisa bibulu ku khati. Nandi wuvisa ti batu beni, basa kwenda ko kubwongimina Yave vayi zimbongo zyawu bayenda kasala! Mbi Yesu kavanga? Nandi wuvanga kikoti ki minsinga ayi wubasisa mamemi ayi zingombi ku nganda yi tempelo. Nandi wubwisa zimeza zi batu baba sumbisa ayi  wutyamuna zimbongo zyawu va tsi. Yesu wukamba batu baba sumbisanga mabembi: ‘Botulanu byuma binu avava! Bikanu kukitula nzo Tat’ami bwangu ki kusumbisila byuma binu.’

Batu boso baba ku tempelo bayituka mu mambu Yesu kaba vanga. Minlandikini myandi batebuka monyo mbikudulu yitubila matedi Mesiya: ‘A Nzambi, luzolo lwidi yama mu diambu di nzo’aku luawu lwela kuphondisa.’

Mu mvu 33, Yesu wuyenda khumbu yimwadi ku tempelo ayi wukukisa batu baba sumbisanga kuna byuma. Nandi kaba tomba batu boso bakinzika nzo Tat’andi.

“Lulendi sadila Nzambi ayi zimbongo va kimosi ko.”​—Luka 16:13