Skip to content

Skip to table of contents

Zimbangi zi Yave

Select language Ibinda

 DILONGO 72

Yesu bo Kaba Ditoko

Yesu bo Kaba Ditoko

Zozefi ayi Malia baba kalanga ku Nazaleti na Yesu ayi bana bawu bankaka ba babakala ayi ba bakyeto. Zozefi wube konzulanga dikanda dyandi mu kisalu kyandi ki kalipintelo, wulongisa bana bandi bazaba Yave ayi minsiku myandi. Babe kwendanga mu zinzo zi Nzambi mu kubwongimina Yave ayi ku Yelusalemi ku nkungi wu Pasika mimvu myoso.

Thangu Yesu kadukisa 12 di mimvu, dikanda dyandi diyenda ku Yelusalemi mu dyambu di nkungi wu Pasika boso bubela kifu kyawu. Divula diba diwala batu bayiza kukemba nkungi beni. Buna wumana, Zozefi ayi Malia batona vutuka ku Nazaleti; bamwena ti Yesu wuba yawu mu dingumba. Angi thangu bantomba kwidi bibutu byawu binkaka biba dyata yawu, basa kummona ko.

Buawu Zozefi ayi Malia bavutukila ku Yelusalemi, ayi babila Yesu mu bilumbu bitatu. Buna bayenda ku tempelo, babata Yesu va khati minlongi, wunkuwa buboti mambu baba longa ayi kukuvula byuvu.  Minlongisi bayituka beni mu mimvutu Yesu kaba vutulanga. Bawu bamona ti Yesu wuvisikisa buboti minsiku mi Yave.

Zozefi ayi Malia basa ba ko ntima wukuluka. Malia wutuba: ‘Mwana, tube kwe tombanga muma moso! Kwidi wubedi?’ Yesu wuvutula: ‘Lwisa zaba ko ti minu yifweti ba ku nzo Tat’ami?’

Yesu wuvutuka ayi matata mandi ku Nazaleti. Zozefi wulongisa Yesu kisalu ki kalipintelo. Mu mbwenu’aku, phila mutu mbi Yesu kaba mu bumwana bwandi? Mu ndyonzukulu’andi, Yesu wubwela ndwenga, diawu Nzambi ayi batu baba kunzodilanga beni.

“Kuvanga luzolo lwaku, A Nzambi’ama, kwawu kwidi mayangi mama, ayi nsiku’aku widi mu ntim’ama.”​—Minkunga 40:8