Skip to content

Zimbangi zi Yave

Select language Ibinda

Mbi Kintinu ki Nzambi?

Mbi Kintinu ki Nzambi?

Wummwena ti . . .

  • kyuma kidi mu ǹtim’aku?

  • ntubulu kwandi?

  • kintinu ki diyilu?

 MBI KIBIBILA KINTUBA

“Nzambi azulu una tonginika kimfumu kina lembwa bungwa.”— Danieli 2:44, Masonukwa Manlongo.

“Tuveno mwana wabakala; luyalu luna kala va mavembu mandi.”Yesaya 9:6.

MANSUNDULA MU NGYEWU

  • Kubaka ndandu mu luyalu lu songa.Yesaya 48:17, 18.

  • Luzingu lu lunga ayi mayangi mu nza yi mona.Nzaikusu 21:3, 4.

 BUKYEDIKA KWANDI TI TULENDA TELA MANA MO MANTUBA KIBIBILA?

Ngete, twidi na bibila byodi:

  • Yesu wu monisa kifwani mala vanga Kintinu ki Nzambi. Wu longisa minlandikini myandi ba dindanga mu lusambulu ndizulu kintinu ki Nzambi mu dyambu luzolo lwandi lu vangama va ǹtoto. (Matai 6:9, 10) Yesu wu monisa bwidi ǹsambu beni wela salimina.

    Bo Yesu ka ba va ǹtoto, wu belusa bimbevo, wu dikila ba ba nzala, ayi wu vulubukisa bafwa! (Matai 15:29-38; Yoane 11:38-44) Mweni ǹtinu wu kintinu ki Nzambi, Yesu wu monisa kifwani kimbote mala vanga kintinu beni mu bantu baǹtediminanga kyawu.Nzaikusu 11:15.

  • Mambu tummonanga mu nza mamvisikisa ti Kintinu kidi mu kwiza. Yesu wu tuba bosi kintinu ki diyilu kintwala malembe va ǹtoto, nteti vala ba mimvita miwombo, nzala ayi nyikunini ziǹtoto.Matai 24:3, 7.

    Twidi ku mamona mu ntangu ayiyi. Dyawu tu lenda ba lufyatu ti Kintinu ki Nzambi kyala manisa mambu moso mambi.

 YINDULA DYAMBU ADIDI

Bwidi bwala bela luzingu mu luyalu lu kintinu ki Nzambi?

Kibibila kimvutula kyuvu akyokyo mu MINKUNGA 37:29 ayi YESAYA 65:21-23..