Skip to content

Skip to table of contents

Zimbangi zi Yave

Select language Ibinda

 MALONGI 9

Yelemia Kasa Bika ko Kukamba Bantu Matedi Yave

Yelemia Kasa Bika ko Kukamba Bantu Matedi Yave

Kibila mbi batu bammwena Yelemia nganzi?

Yave wuvukisa Yelemia

Nkumbu ziǹkaka bantu ba tuvwezanga voti batumonanga mfiti bo tuǹsamunanga nsangu mu matedi Yave. Mambu beni ma kumonika, tuḿbanga mayindu ma kubika kusamuna nsangu mu matedi Yave Nzambi. Ngyewu, wumana kuma monokono?— Kibibila kiǹtubila ditoko dimweka wuba beni luzolo mu Yave, vayi nkumbu yiǹkaka nandi wubina bika kusamuna nsangu mu matedi Yave. Dizina dyandi Yelemia. Twaḿbwela kulonguka matedi mu nandi.

Bo Yelemia kaba mwana ditoko Yave wuǹdinda mwingi kalubula bantu ba bika kuvanga mambu mambi. Kiyeku beni mpasi kiba mu Yelemia ayi nandi wumona boma. Yelemia wuvutudila: ‘Yave, Minu mwana kilezi. Ayi yisa zaba ko ma yilenda koluka.’ Vayi Yave wuǹkamba: ‘Bika kumona boma, kibila minu yiǹkwiza kusadisa.’

 Yelemia wutona kulubula bantu mu kubakamba ti bala bungu ba kunkambu bika kuvanga mambi. Mu mbwenu’aku, bantu babika kuvanga mambu mambi?—Ḿve. Baǹkaka baseva Yelemia ayi baǹkangila nganzi. Baǹkaka batomba kuvonda Yelemia! Mu mbwenu’aku bwidi Yelemia kaba mwena?—Nandi wuba boma diawu katubila: ‘Yilendi ko kubwe samuna nsangu mu matedi Yave.’ Bukyedika ti nandi wubika kusamuna nsangu mu matedi Yave dedi bo katubila?—Ḿve. Kibila nandi wuba beni luzolo mu Yave diawu ka nkambu bikila kusamuna matedi Yave. Yave wukyeba Yelemia bo ka nkambu vonga kuvanga luzolo lwandi.

Kilumbu kiǹkaka babakala bamweka baba mavanga mambi, batibula Yelemia mu kisima kiwonguka kiba dintapi. Nandi kasa ba ko ǹlangu ayi bidya. Bawu baba tomba nandi kafwila muna. Angi mu lusadusu lu Yave nandi wuvuka mu dibulu beni!

Mbi wulenda longuka mu mambu Yelemia kamonokono?— Nandi waba monanga boma nkumbu ziǹkaka. Angi kasa bika ko kusamuna nsangu mu matedi Yave. Nkumbu ziǹkaka malenda kumonikina, ngye kusamuna matedi Yave baǹkaka balenda kuvweza ayi kukangila nganzi. Ḿba wulenda mona zinsoni voti boma. Angi wulendi bika ko kusamuna nsangu mu matedi Yave ayi nandi wala kusadisa dedi bo kasadisila Yelemia.

TANGA MU KIBIBILA KYAKU

  • Yelemia 1:4-8; 20:7-9; 26:8-19, 24; 38:6-13