Skip to content

Skip to table of contents

Zimbangi zi Yave

Select language Ibinda

 MALONGI 14

Kiǹtinu Kyala Yala Ǹtoto Woso

Kiǹtinu Kyala Yala Ǹtoto Woso

Ngyewu, zebi Kiǹtinu beni?— Ngete, Kiǹtinu ki Nzambi, kyala balula ǹtoto paladizu. Ngyewu, tidi kubwela longuka matedi Kiǹtinu beni?—

Kiǹtinu kidi na ǹtinu. Ayi ǹtinu, wuǹtumanga bantu banzingila mu nsi’andi. Ngyewu, zebi nani ǹtinu wu Kiǹtinu ki Nzambi?— Yesu Klisto. Nandi ku diyilu kaǹkalanga. Mu ntangu yinkufi yisyedi, nandi wuǹkwiza ba ǹtinu wu bantu boso va ǹtoto. Mu mbwenu’aku, bo Yesu kala yala ǹtoto wumvimba, befu kaboso twala zingila mu mayangi?—

Mbi ngyewu tidi beni kumona ku Paladizu?

Befu twala zingila mu mayangi. Ku paladizu bantu balasa be nwananga ko mimvita. Baboso bala zolasananga. Ni muntu kalasa bwe bela ko ni kufwa. Bafwa matu bala kuwa ayi zimpofi bala mona. Bo bankambu dyatanga, bala zotuka ayi bala nakuna zintinu. Bidya byala ba biwombo. Bibulu bala ba kikundi mu baveka ayi mu bantu. Bo bafwa bala vulubuka mwingi babwe zinga. Mu mwa buku ayiyi, ngye malonguka matedi Lebeka, Lahabi, Davidi, Elia ayi baǹkaka. Bawombo mu bawu bala vulubuka! Luvulubuku  lwa kuba, ngyewu wala tomba kubazaba?—

Yave wukuzolanga beni ayi wuǹtomba ngyewu wuzingila mu mayangi. Ngye kubwela longuka matedi Yave ayi kuǹtumamana, ngyewu wala zingila ku paladizu lumbu alolo lumboti! Ngyewu, tidi kuzingila ku Paladizu?—

TANGA MU KIBIBILA KYAKU

  • Yesaya 2:4; 11:6-9; 25:8; 33:24; 35:5, 6

  • Yoane 5:28, 29; 17:3