Skip to content

Skip to table of contents

MALONGI 4

Nandi Wubika Tat’andi ayi Yave mu Mayangi | Longa Bana Baku

Nandi Wubika Tat’andi ayi Yave mu Mayangi | Longa Bana Baku

Mbi Yefeta kakanikisa Yave?

Disa ba ko dyambu dilwelo, angi mwana wu Yefeta wutumamana nsilulu tat’andi kavanga

Ngyewu, wummona mwana wuǹkyeto mu mfikula ayiyi?— Tat’andi ba kuǹtedilanga Yefeta. Kibibila kisiǹtubila ko dizina dyandi, angi tuzebi ti nandi wubika tat’andi ayi Yave mu mayangi. Twanlonguka matedi nandi ayi Yefeta.

Yefeta wuba mavanga mamboti ayi waba vyokisanga ntangu mwingi kulonga mwan’andi matedi Yave. Nandi mvandi wuba dibakala dingolo ayi mfumu mboti. Diawu bana ba Iseali badindila Yefeta kaba mfumu’awu mu mvita baba nwana na zimbeni ziawu.

Yefeta wudinda Yave mu nzila yi lusambu kannungisa mu mvita wukabelama kunwana. Nandi wukanikisa Yave ti na kununga mu mvita beni, wala mvana muntu wunteti va dikanda dyandi wala kwiza ǹdengana. Muntu beni wala kala ayi sadila ku nzo yinlongo yi Yave ntangu zyoso. Nzo yinlongo kiba kibwangu bantu baba bwongiminanga Yave mu ntangu beni. Yefeta wununga mu mvita! Ngye zebi muntu wunteti wuǹdengana bo kavutuka ku nzo?—

Ngete, mwan’andi wu luzolo! Nandi wuba mwana wumweka to wu Yefeta. Angi nandi wuḿfila mwingi kasadila Nzambi. Yefeta wuba beni mu kyunda! Dedi bo tuma mwena kumbusa nandi wukanikisa Yave. Mwan’andi wumvutudila: ‘Papa, fweti vanga ma wukanikisa Yave.’

Mimvu myoso, bakundi ba mwana wu Yefeta baba kwizanga kuǹtala

Mwana wu Yefeta mvandi wuba mu kyunda. Mwingi kabaka bu vangila kisalu ku nzo yinlongo, nandi waba tomba nteti kuvanga nsilulu yiǹkaka yi kunkambu kwela ayi kubuta bana. Vayi nandi wutumamana tat’andi ayi wubika Yave mu mayangi. Mu mayindu mandi kukwela ayi kubuta bana, kwisa vyoka ko ḿfunu na kuvanga kisalu ki Yave ku nzo yinlongo. Diawu kabasikila ku nzo matata mandi mwingi kasadila ku nzo yinlongo yi Yave luzingu lwandi lonso.

Mu mpil’aku, wummwena ti mwana wu Yefeta, wubika tat’andi ayi Yave mu mayangi?— Ngete, nandi wubabika mu mayangi! Ngye kuzola Yave ayi kuǹtumamana, wulenda bika matata maku ayi Yave mu mayangi dedi mwana wu Yefeta.

TANGA MU KIBIBILA KYAKU

  • Deutelonomi 6:4-6

  • Minkongudidi 11:30-40

  • 1 Kolinto 7:37, 38