Skip to content

Zimbangi zi Yave

Select language Ibinda

Bwidi wu yindudilanga bilumbu binkwiza kuntwal’e?

Bwidi wu yindudilanga bilumbu binkwiza kuntwal’e?

Wumbanzilanga ti ǹza yitu yala . . .

  • bela bobo?

  • saba?

  • ba malembe?

 MBI KIBIBILA KINTUBA

“Nzambi . . . wela fiona matsuela moso mu meso mawu ayi lufua lulendi buela ba ko; kiadi ki lufua kilendi buela ba ko, bidilu ayi ziphasi bilendi buela ba ko bila mambu ma theti maviokidi.”-Tsongolo (Nzaikusu) 21:3, 4, Nkanda wu Moyo.

MANSUNDULA MU NGYEWU

Kisalu kidi nsundu ayi mayangi. —Yesaya 65:21-23.

Luzingu mu ǹza yi nkambu kimbevo ayi zimpasi.—Yesaya 25:8; 33:24.

Luzingu lu mayangi mu ntangu zyoso na dikanda ayi bakundi. —Minkunga 37:11, 29.

 BUKYEDIKA KWANDI TI TULENDA TELA MANA MO MANTUBA KIBIBILA?

Ngete, twidi na bibila byodi:

  • Nzambi widi mangolo mu kudukisa lukanu lwandi. Mu Kibibila, Yave Nzambi nandi to wuntedulwanga “Nkua ngolo [zyoso]” kibila mangolo mandi masiko nsukulu. (Nzaikusu 15:3) Dyawu twididi na dyana ti nandi wela dedikisa lukanu lwandi lu kubalula ǹza ayiyi vama va lutidi mbote. Dedi buntubila Kibibila, “kwidi Nzambi mamo malenda vangama.”​—Matai 19:26.

  • Nzambi widi mpwila yi kudedikisa lukanu beni. Yave widi na “mpwila” mu bantu bafwa ayi wuntomba kuba vulubusa.—Yobi 14:14, 15.

    Kibibila ḿvadi kimmonisa ti Mwana Nzambi, Yesu, wu belusa bimbevo. Kibila mbi ka vangila mawu? Kibila nandi wu zola bantu. (Malako 1:40, 41) Yesu waba landakananga zinkadulu zi tat’andi dyawu kaba tombilanga kusadisa bantu.​—Yoane 14:9.

    Tulenda ba lufyatu ti Yave ayi Yesu bantomba ku tusadisa tu baka luzingu lu mayangi kuntwala!​—Minkunga 72:12-14; 145:16; 2 Petelo 3:9.

 YINDULA DYAMBU ADIDI

Bwidi Nzambi kala baludila ǹza mo yi luta mbote?

Kibibila kimvutula kyuvu akyokyo mu MATAI 6:9, 10 ayi DANIELI 2:44.