Zisonika Malaku 16:1-8

16  Bosi, bo kisabala kivioka, Malia Madalena, Malia ngudi yi Tiagu, mvandi Salome, basumba malasi maba mfimbu wumboti, muingi kue vinda nyitu yi Yesu.  Ayi mu kilumbu kitheti ki sabala, bo muinya wutona kubasika, bawu bayenda ku dibumbi.  Bawu baba kuyikuvusa: “Nani wunkuiza tusadisa kununguna dimanya didi va muelu dibumbi?”  Vayi bo bavumuna thalu, bamona ti dimanya beni kheti diba beni dinneni, vayi disa ba ko va muelu.  Bo bawu bakota ku dibumbi, bamona ditoko dimueka wuba wukala ku khonzu lubakala. Nandi wuvuata dizuela diphembi ayi bawu bayituka beni.  Nandi wuba kamba: “Bikanu kususuka. Yizebi ti luidi mu kutomba Yesu musi Nazaleti, no babandizi va dikunzi. Nandi babe mvulubusu, kasi ko akuku. Talanu kuinu benu veka kibuangu kio kabedi.  Buabu, yendanu muingi lue kamba minlandikini miandi ayi Petelo ti: ‘Nandi widi mu kukuenda va ntual’inu ku Ngalili. Kuakuna lukue mmuena, dedi bo nandi ka lukambila.’”  Bosi bawu babasika ayi batina ku dibumbi mu kue titubukanga* mu boma ayi mu mayangi. Ayi basa kamba ko ni diambu kuidi ni mutu, kibila baba mu boma.

Footnotes

Voti: “lukhuku.”