KIUVU 2
Buidi tulenda zabila Nzambi?
“Buku ayiyi yi Minsiku, yifueti tatamana yaku; wufueti tanga yawu mu mbembu yivumbama builu ayi muinya, muingi wutumukina mambu moso masonama muawu. Ngie kuvanga mawu, wala baka ndandu mu luzingu ayi wala baka nduenga.”
Yosua 1:8
“Baba tanganga mu mbembu yinangama buku yi Minsiku mi Nzambi yikiedika, ayi baba sudikisanga tsundu yi Minsiku beni buboti; mu phila ayoyo, bawu baba sadisanga dikabu kuvisa mambu baba tanganga.”
Neyemia 8:8
“Mayangi kuidi mutu wukhambu landakananga malongi ma bankua mambi . . . , vayi wunkuangalalanga mu Minsiku mi Yave, ayi wuntanganga miawu mu mbembu yivumbama builu ayi muinya. . . . Wala baka ndandu mu mamoso kamvanga.”
Minkunga 1:1-3
“Filipi wuduma va khonzu dikalu ayi wuyuwa musi Etiope beni kutanga mambu Yesaya kasonika mu mbembu yinangama. Bosi Filipi wunyuvula: ‘A mfumu, ngie wumvisa mambu widi mu kutanga?’ Nandi wumvutudila: ‘Buidi yilenda visila mawu, boti vasi ko mutu wu kutsudikisa?’”
“Tulenda visila zikhadulu ziandi, mu kulonguka phila nza yivangulu. Mvandi tunlongukanga phila kadidi, mu kufiongunina biuma kavanga. Ayi bivangu beni, bimmonisanga mangolo mandi ma mvu ka mvu; ayi bimvananga bivisa ti nandi widi Nzambi. Batu bakhambu kikininanga mu bivisa beni, basi ko bibila.”
“Yindula mu mambu amomo, ayi sikika thalu mu mawu, muingi batu boso banunga kumona ndionzukulu’aku yi kiphevi.”
“Bika tumonisa ti tumvuanga nkinza bankaka, mu kuyikindisa mu luzolo ayi mu mavanga mamboti, mu kubika ba kifu ki kukhambuanga mu zikhutukunu.”
“Boti vadi mutu mu benu wukhambulu nduenga, buna bika katatamana kudinda yawu kuidi Nzambi, kibila nandi wumvananga yawu mu luzolo kuidi baboso mu khambu fundisa.”
