Skip to content

Skip to table of contents

 ZINGILA MU BUKLISTO

Buidi Tulenda Tonina Disolo mu Kusadila Mua Minkanda?

Buidi Tulenda Tonina Disolo mu Kusadila Mua Minkanda?

Tona mu Ngonda Yitheti mu mvu 2018, va busu bu Nzingulu ayi Kisalu Kitu ki Buklisto Thuadusulu yi Zikhutukunu, vankuizanga zimbonosonu zi masolo. Nnanga Wukuikama wutukindisanga tuluta koluka na batu, kubika kuandi to kutambikanga bilongulu. Muingi kusadisa minsamuni, zivideo zi mbonosonu yi masolo, zimmonisanga buidi bu kutonina disolo mu kusadila to Kibibila. Mawu mansundula ti tulendi sadila ko bilongulu bo tunsamuna nzo ka nzo? Ndamba! Dedi, mua mikanda milenda kutusadisa kutona buboti disolo. Tulenda sadila mambu manlanda bo tunsadila woso kua mua nkanda:

  1. Vana kiuvu kidi va busu bu mua nkanda ayi monisa mimvutu kalenda sola.

  2. Monisa mvutu wu Kibibila widi mu matangu madi va yilu tsielu yimmuadi. Boti kuba, tanga ayi tubila mua mambu madi mu khati mua nkanda.

  3. Vana mua nkanda kuidi mutu beki nzo, ayi nkindisa katanga mambu mankaka madi muawu.

  4. Ava kukuenda, monisa kiuvu kidi vo vantuba: “Yindula Diambu Adidi,” ayi yoluka yandi muingi wuvutuka kilumbu kinkaka mu diambu wumvana mvutu wu Kibibila.

Bo wala vutuka kuna, vana mvutu wu kiuvu wubika ayi bika kiuvu kinkaka muala tubila kilumbu wala bue vutuka. Wulenda sola kiuvu mu khondi mayo voti mu kilongulu bantubila va tsielu yitsuka yi mua nkanda. Mu thangu yifuana, wulenda kumvana mua buku Zi Nsangu Ziaku Zimboti Zi Fumini Kuidi Nzambi! voti kioso kilongulu kinkaka kidi mu Bilongulu Tunsadilanga Muingi Kulonga.