Skip to content

Skip to table of contents

Zimbangi zi Yave

Select language Ibinda

 ZINGILA MU BUKLISTO

Dedikisa Theti Mambu Ayi Khomb’aku—Vayi Bwidi?

Dedikisa Theti Mambu Ayi Khomb’aku—Vayi Bwidi?

Yindul’abu ti ngye ku Ngalili wunkalanga mu thangu Yesu. Ngye be fumina kinanu mwingi wenda ku nkungi wu zitenda ku Yelusalemi. Divula dyoso didi batu bawombo bambwongiminanga Yave babe fumina mvandi kinanu mwingi kwe landakana nkungi beni. Ngye tidi kuvana nkhayilu kwidi Yave. Na khombo’aku va myoko wuntona kwe yendanga mwingi wuvitila ti ku nzo yinlongo vayi batu bawombo badi mu nzila. Bo wumvitila kuna, wummona batu bawombo bankaka batidi kuvana nkhayilu kwidi Yave. Buabu, yeka khumbu’aku yi kuvana nkayilu kwidi zinganga zi Nzambi. Angi mu thangu beni, ngye wuntebuka moyo ti khomb’aku wukudasukila, ayi nandi kalenda ba ku divula dinkaka voti nandi mvandi widi va kibwangu ngye widi vayi wisi kummona ko mu kibila ki batu boso badi vawu. Yesu wusudikisa mbi wulenda vanga. (Tanga Matai 5:24.) Bwidi ngyewu ayi khomb’aku mulenda landikinina dilongi di Yesu di kutomba ndembama? Mu mambu malandakana tula kidimbu va khonzo mvutu wusulama.

NGYE WULENDA . . .

  • koluka ayi khomb’aku ngye kumona ti nandi mu kyedika widi kibila ki kudasukila

  • kwedika kusadisa khomb’aku kabalula phila kanyindudilanga ngye kumona ti nandi widi mutu wunyonganga mu dyoso kwa dyambu, voti nzabikisa mvandi foti widi mu mambu beni

  • monisa mvibudulu ayi yuwa bo khomb’aku ka kukamba mabanza kadi, kheti ngye wisi visikisa ko kibila mambu beni ma kuntatisila, bobuawu kwandi dinda nlemvu

KHOMB’AKU KALENDA . . .

  • kudinda lusalusu kwidi batu bankaka mu kimvuka mu ku bakamba nzimbala ngye vengi

  • kusemba ayi kukamba mambu moso mambi ngye be mvangila, ayi kukwika mwingi wukikinina nzimbala beni

  • kutala mangolo ngye vengi ayi phila be kukikuludila mu kukoluka yandi mwingi kundinda nlemvo ayi nandi kafweti kulemvukila mu ntima

Bubu tusyala bwe vana ko minkhayilu mi bilulu, vayi mbi Yesu kalonga mu matedi ngwizani yidi mu kuba ndembama na zikhomba zitu ayi mbwongimini Yave kankikininanga?