Skip to content

Skip to table of contents

Zimbangi zi Yave

Select language Ibinda

 ZINGILA MU BUKLISTO

Bwela Pisuka mu Kisalu ki Kusamuna—Kusonika Minkanda Mimboti

Bwela Pisuka mu Kisalu ki Kusamuna—Kusonika Minkanda Mimboti

NKINZA MBI KUVANGA MAWU: Nkanda 1 Kolinto widi wumweka mu 14 di minkanda mvwala Polo kasonika mwingi kukindisa Baklisto bankaka. Kusonika nkanda kunsadisanga mutu kusola buboti bikuma bifwana, ayi kuvutukila kutanga wawu khumbu ziwombo. Kusonika minkanda yidi phila yimboti yi kuvanina kimbangi kwidi basi dikanda ditu ayi batu bankaka tuzebi. Mvandi yidi phila yimboti yi kuvanina kimbangi kwidi batu tukhambu nunganga kudenga ku nzo mu kisalu ki kusamuna. Dedi, ḿba tulenda koluka ayi mutu wumvwa nkinza zitsangu, vayi tununganga ko kundenga ku nzo. Tulenda mona phasi kununga kukoluka ayi batu bankaka va kizunga kitu, bila ḿba bankalanga mu zinzo zidi lukyebu lungolo, zinzo zidi mu luphangu, luphangu beni luzibama voti mu bibwangu bikhambu kotanga beni batu. Vayi mambu mbi tufweti tebukanga moyo mu thangu tunsonikina nkanda kwidi mutu tukhambu zaba?

MBI WULENDA VANGA:

  • Sonika mambu wulenda kunkamba boti widi mu kukoluka yandi zizi mu zizi. Wukizabikisa ngye veka va thonono nkanda ayi sudikisa kibila mbi wu kunsonikina nkanda. Ḿba wulenda sonika kyuvu mwingi mutu beni kayindula ayi kutubila matedi khond’itu mayo. Bosi nkamba matedi ndongukulu yi Kibibila kalenda baka mu Khondi mayo, voti nkamba ti tumvananga ndongukulu yi Kibibila mu zinzo, ayi sonika mwa mintu mi dyambu mi bikapu bidi mu bilongulu tumvaninanga ndongukulu yi Kibibila. Wulenda tula mu khati mvelopi bilongulu dedi: nkanda wu kukotila mu khondi mayo, voti nkanda wu kutumisina mu zikhutukunu.

  • Bika kusonika mambu mawombo mwingi kabika kuvonga mu kutanga wawu.—Tala ntungulu widi va tsyelo 8

  • Botula zinzimbala, ayi tomba kuzaba ti nkanda beni wumvisuka buboti, wummonisa lukinzu ayi widi mayindu mamboti. Buboti kubabika mu mvelopi beni kidimbu kimmonisa ti ngye befuta thalu yi zimbongo mwingi kufila wawu.