Skip to content

Skip to table of contents

Zimbangi zi Yave

Select language Ibinda

 KYUKA KIDI MU DYAMBU DI NZAMBI | MATAI 25

‘Tatamana Kuba Wukotuka’

‘Tatamana Kuba Wukotuka’

25:1-12

Kheti kifwani kitedi zindumba zindwenga ayi zi bivulu Yesu wutubila kiawu kwidi minlandikini myandi misolo, vayi dilongi didi mu kifwani beni ditedi Baklisto baboso. (w15 15/3 12-16) “Diawu luzibula meso bila lusa zaba ko kilumbu ayi thangu.” (Matai 25:13) Ngye wulenda sudikisa kifwani ki Yesu?

  • Dibakala di dikwela (lutangu 1)—Yesu

  • Zindumba zikubama, zindwenga (lutangu 2)—Baklisto basolo badi bakubama mwingi kuvanga biyeku biawu mu lukwikumunu ayi bo banlezama dedi mwinda ti ku tsuka (Filipi 2:15)

  • Mbembu yitenduka: ‘Tala dibakala di dikwela dima kwiza’ (lutangu 6)—Kivisa ki ndizulu yi Yesu

  • Zindumba zi bivulu (lutangu 8)—Baklisto Basolo bo bayenda kwe dengana Dibakala di Dikwela vayi basa ba ko bakotuka mu kiphevi ayi basa tatamana ko kuba bakwikama

  • Zindumba zindwenga ba manga kukaba mafuta mawu (lutangu 9)—Mu thangu yitsuka bo baklisto boso bala baka mfutu’awu, yala sa bwe ba ko thangu mwingi baklisto bakwikama basadisa bo bala bika kukwikama

  • ‘Dibakala di Dikwela diyiza’ (lutangu 10) —Yesu wala kwiza mwingi kutwala lufundusu va nduka tsukulu yi ziphasi zinneni

  • Zindumba zindwenga zikota ku nyengo na dibakala di dikwela ayi mwelo wuzibama (lutangu 10) —Yesu wunkupika Baklisto basolo bakwikama mwingi kukwenda ku diyilu, vayi bo bakhambu ba bakwikama bazimbisa nsendu’awu wu kukwenda ku diyilu