Skip to content

Skip to table of contents

Zimbangi zi Yave

Select language Ibinda

 ZINGILA MU BUKLISTO

Bwela Pisuka mu Kisalu ki Kusamuna—Kulongisa Minlonguki Mitu bu Kukubikila Ndongukulu’awu

Bwela Pisuka mu Kisalu ki Kusamuna—Kulongisa Minlonguki Mitu bu Kukubikila Ndongukulu’awu

NKINZA MBI KUVANGA MAWU: Ba kukubika ndongukulu’awu, minlonguki mi Kibibila milenda luta visa ayi kutebuka moyo mambu tu kuba longisa. Ba kuluta visa ayi kutebuka moyo mambu banlonguka, mala ba sadisa bafika yonzuka mu kinzambi. Kheti ba kubotama, bafweti tatamana kukubika zikhutukunu ayi kukubama ava kukwenda mu kisalu ki kusamuna mwingi ‘batatamana kuba bakotuka.’ (Matai 25:13) Diawu, kuzaba bwidi bu kulongukila ayi kuba kifu kimbote ki kulonguka, kwala basadisa mu luzingu luawu loso. Tona va thonono, tufweti sadisa minlonguki mitu baba kifu ki kukubikanga ndongukulu’awu yi Kibibila.

MBI WULENDA VANGA:

  • Ba kifwani kimbote. (Loma 2:21) Kubama mu kadika ndongukulu mu kuyindula kadika nlonguki. (km 15/11 3) Bika nlonguki’aku kamona phila ngye be kubikila buku’aku

  • Nkindisa kakubika. Boti ndongukulu yima sikama na nlonguki, nzabikisa ti kukubikanga ndongukulu’andi didi dyambu di nkinza mu Ndongukulu yi Kibibila ayi nsudikisa ndandu yidi mu kuvanga mawu. Mvana malongi malenda kunsadisa kuzaba bwidi kalenda bakila thangu mwingi kukubika. Minlongisi miwombo mimvananga minlonguki buku’awu mu thangu yi banlonguka Kibibila mwingi nlonguki kamona ndandu yi kukubika. Vutula matondo boti nandi be kubika

  • Ḿonisa bwidi bu kukubikila. Minlongisi minkaka minsadilanga thangu yi kuvanina ndongukulu yi Kibibila mwingi kumonisa minlonguki miawu bwidi bu kukubikila dilongi