Skip to content

Skip to table of contents

Zimbangi zi Yave

Select language Ibinda

 ZINGILA MU BUKLISTO

“Bika kuvambisa kibundisa Nzambi . . .”

“Bika kuvambisa kibundisa Nzambi . . .”

Nsiku Yave kavana kwidi Mose waba tuba ti boti dibakala wuntomba kuvambana kafweti kubikatheti nkanda wu luvambanu. Mawu maba mwingi batu babika vondisa dikwela mu dyoso kwa dyambu. Vayi mu bilumbu bi Yesu, bakulutu ba binganga bavanga batu babika mona phasi kuvambana. Babakala baba nswa wu kuvambana na bakyeto bawu mu kyoso kwa kibila. (nwtsty tsudukusu yi matangu mu Malako 10:4, 11) Yesu wutebula moyo ti Yave nandi wuvanga dikwela. (Malako 10:2-12) Nnuni ayi nkazi bayiza ba “nsuni wumweka” mu kithwadi ki zithangu zyoso. Kibibila kimmonisa ti kibila to bakwela balenda vambisina dedi buntubila mu Matai, kidi ‘kitsuza.​—Matai 19:9.

Bubu, bawombo batadilanga ko dikwela mu phila Yesu kaba tadilanga, vayi yi Bafalisi. Mu thangu mambu mammonika, batu ba nza bamvambananga mu thinu. Vayi Bakwela badi Baklisto banzingilanga mu mambu bakanikisa matedi dikwela, ayi bamvanganga mangolo mwingi kununga mambu moso maba kwizilanga mu kulandakana minsiku mi Kibibila. Benu kutala video Luzolo ayi Lukinzu Mantwadisanga Kithwadi mu Makanda, vana mimvutu mi byuvu binlandakana:

  • Bwidi ngye wulenda sadila Zingana 15:1 mu dikwela dyaku ayi kibila mbi madidi nkinza?

  • Bwidi ngye wulenda tinina kubakana mambu mu kusadila Zingana 19:11?

  • Boti dikwela dyaku dyembelama kutuluka, kubika kwandi kuyindula ‘tufweti vambana?,’ vayi byuvu mbi theti wufweti yindula?

  • Bwidi wulenda bela nnuni voti nkazi wumbote mu kusadila matangu madi mu Matai 7:12?