Skip to content

Skip to table of contents

Zimbangi zi Yave

Select language Ibinda

 ZINGILA MU BUKLISTO

Landakana Ndyatulu yi Klisto mu Khambu Kuntatuka

Landakana Ndyatulu yi Klisto mu Khambu Kuntatuka

Yesu wutubikila kifwani tufweti landakana, dedi mu thangu tumvyokila mu zithotolo voti mu ziphasi. (1 Petelo 2:21-23) Kheti bamfinga, Yesu kasa vutudila ko, kheti mu thangu kavyokila mu ziphasi. (Malako 15:29-32) Mbi binsadisa kukindama? Nandi wutomba kuvanga luzolo lu Yave. (Yoane 6:38) Nandi mvandi wuba Yindulanga ‘mayangi momo maba kuntwal’andi.’​—Ebeleo 12:2.

Mambu mbi tulenda vanga mu thangu bankaka bakutuvweza mu kibila ki kiminu kitu? Baklisto bakyedika bavutulanga ko ‘mambi mu mambi.’ (Loma 12:14, 17) Bo befu tunlandakana phila Klisto kakindimina mu ziphasi, tulenda mona mayangi kibila twidi mu kuvanga luzolo lu Nzambi.​—Matai 5:10-12; 1 Petelo 4:12-14.

TALANU VIDEO DIZINA DI YAVE DIAWU DILUTIDI NKINZA, BOSI VANA MIMVUTU MI BYUVU BINLANDAKANA:

  • Bwidi khomba Potzinger * kasadila bumbote thangu bo kaba mu kibwangu kizibama ki buloku?

  • Ziphasi mbi khomba Potzinger ayi nkyeto’andi bamonikina mu thangu baba mu buloku?

  • Mbi biba sadisa kukindama?

Mu thangu wumvyokila mu ziphasi, landakana ndyatulu yi Klisto mu khambu kuntatuka

^ Lut. 6 Dizina beni mvandi ba ditedilanga Poetzinger.