Skip to content

Skip to table of contents

 ZINGILA MU BUKLISTO

“Tatuka Zinzambi zi Luvunu”

“Tatuka Zinzambi zi Luvunu”

Kheti mu thangu’andi vasa ba ko nsiku waba kandimina mbuongimini yi bitumba, Yakobi wuzaba ti Yave widi Nzambi yinlendanga mbuongimini ayoyi. (Esodu 20:3-5) Diawu, bo Yave kankamba muingi kavutuka ku Beteli, Yakobi wukamba baboso baba yandi muingi babika kunata bitumba biawu. Bosi, Yakobi wuzika bitumba beni kubunda mvandi biuma bithalu baba sadilanga muingi kubuongimina zinzambi ziawu zi luvunu. (Ngenesi 35:1-4) Tulenda ba lufiatu ti Yave wuyangalala beni mu mawu.

Buidi befu mvitu bubu tulenda monisina ti tumbuongiminanga to Yave? Diambu dimueka dinkinza didi, kutatuka kiosokua kiuma kidi kithuadi na bitumba voti ziphevi zimbi. Mawu mansundula ti tufueti tatuka biuma bioso bitedi kindoki ayi kufiongunina buboti biuma tumviokisilanga thangu. Bosi wukiyuvusa: ‘Minu yinzolanga zibuku voti zifilme zimmonisa batu bamfifanga menga, bimbindi voti mambu ma ziphevi zimbi? Yinyindulanga ti biuma yimviokisilanga thangu bidi nkadu kindoki voti tsingulu bilendi kuphanga ko bubi?’ Tufueti tatuka biuma bioso Yave kanlendanga.—Minkunga 97:10.

TALANU VIDEO “LUNUANISA SATANA,” BOSI VANA MIMVUTU MI BIUVU BINLANDA:

  • Diambu mbi diyiza monika mu luzingu lu nlonguki wumueka wu kibibila bantedilanga Palesa?

  • Bo tumviokila mu mambu matedi ziphevi zimbi, kibila mbi didi diambu di nduenga kudinda lusalusu lu bakulutu ba kimvuka?

  • Lunuanisa Satana ayi lufikama Nzambi—Yakobi 4:7, 8

    Boti tutidi kutambula lukiebu lu Yave, biuma mbi tufueti tatuka?

  • Makani mbi mankinza Palesa kabaka?

  • Va kibuangu wunkalanga, buidi wulenda tatukila mambu matedi ziphevi zimbi?