Skip to content

Skip to table of contents

Zimbangi zi Yave

Select language Ibinda

 ZINGILA MU BUKLISTO

Kusamunanga ayi kulonganga—Nkinza Beni Mwingi Kuvanga Minlonguki

Kusamunanga ayi kulonganga—Nkinza Beni Mwingi Kuvanga Minlonguki

Yesu wutuma minlandikini myandi benda ayi bavanga minlonguki. (Matai 28:19) Mwingi tuvanga mawu tufweti samunanga ayi kulonganga. Kadika thangu, tulenda ku yikuvusa, ‘Bwidi yilenda bwedila mangolo mami mu ziphila zyoso azizi zi kuvangila minlonguki?’

KUSAMUNANGA

Kubika kwandi to kuvingila batu biza kwidi befu, befu tufweti tomba mu nzaki ‘batu bafwana’ mu kukuwa zitsangu. (Matai 10:11) Bo twidi mu kisalu ki kusamuna, tunsadilanga lwaku loso twidi mwingi kukoluka na batu bo ‘tundenganga kuna’? (Mavanga 17:17) Lidi wuyiza ba nlonguki kibila mvwala Polo wuba kifuzi mu kusamuna.—Mavanga 16:13-15.

‘Kuna mbongo’aku va meni ayi kadi kubika myoko myaku mivunda ti va bwilu’ (Mpovi 11:6)

TALANU VIDEO TATAMANA KUSAMUNA “MU KHAMBU VONGA”—VANA KIMBANGI MU KHAMBU KUBAMA, AYI MU NZO KA NZO, BOSI VANA MIMVUTU MI BYUVU BINLANDAKANA:

  • Bwidi Samueli kamonisina mu luzingu lwandi ti nandi waba tomba kulongisa batu kyedika?

  • Kibila mbi tufweti tatamana mu ziphila zyoso zi kusamuna?

  • Nani ngye wulenda longisa zitsangu zi Kintinu mu kadika kilumbu?

KULONGANGA

Mwingi kuvanga minlonguki, tufweti vanga mambu mankaka malutidi, kubika to kuvananga batu bilongulu. Mwingi kuba sadisa bayonzuka mu kipheve, tufweti kuba vutukilanga ayi kuba vananga ndongukulu yi Kibibila. (1 Kolinto 3:6-9) Vayi, mbi tufweti vanga befu kumona ti mangolo tumvanga mwingi kulonga mutu kyedika ki Kintinu masimvana ko beni mimbutu? (Matai 13:19-22) Tufweti tatamana kutomba baboso badi mintima buka ‘ntoto wumbote.’—Matai 13:23; Mavanga 13:48.

“Minu ndikuna Apolo wulembila nlangu; Vayi Nzambi nandi wumenisa” (1 Kolinto 3:6)

TALANU VIDEO TATAMANA KUSAMUNA “MU KHAMBU VONGA”—SAMUNA KWIDI BABOSO, AYI VANGA MINLANDIKINI, BOSI VANA MIMVUTU MI BYUVU BINLANDAKANA:

  • Bwidi Salomo ayi Malia batatamana buka kulembila nlangu mu kyedika bakuna mu mintima mi Ezekiel ayi Abigail?

  • Makani mbi tufweti baka mu matedi ziphila zyoso zi kusamunina, kubunda mvandi kimbangi ki baboso?

  • Bwidi tulenda bwedila kuvwa nkinza kisalu ki kulonga bankaka kyedika?