Banani tunyamba mu mayangi? Zikhomba zitu zithama voti woso kwandi wunkwiza khumbu yitheti mu zikhutukunu zitu. (Loma 15:7; Ebeleo 13:2) Kalenda ba khomb’itu bedi ku tsi yinkaka voti khomba wuvonga mu kiphevi ayi wubika kimvuka thama angi wubwe vutuka kwiza mu lukutukunu khumbu yitheti. Wulenda yindula boti ti ngyewu, khanu wunkwiza yangalalanga ko ba kuyamba mu mayangi? (Mat 7:12) Kibila mbi manga vanga mangolo ma kuvana zikhomba mboti va thonono ayi kutsuka zikhutukunu ku nzo kintinu? Dyambu adyodyo dilenda bwela zikhomba mayangi ayi mamvananga Yave nzitusu. (Mat 5:16) Tuzebi ti twidi nunga ko kubila batu bosu bizidi mu lukutukunu vayi batu boso balenda yangalala mu phila tuba tambudidi mu zikhutukunu zitu. *

Tumonisanga kifu ki kuyamba zikhomba mu mayangi bika to mu lukutukunu lu mbambukulu moyo vayi mu zikhutukunu zyosu. Thangu batu bammona luzolo lwitu lu buklistu, balenda kwiza bwongimina Yave va kimweka na befu.​—Yoane 13:35.

^ Lut. 3 Minswa mi Kibibila minsudikisa bwidi buku tadila batu babasika mu kimvuka bankwizanga mu zikhutukunu.​—1 Kolinto 5:11; 2 Yoane 10.