Skip to content

Skip to table of contents

Zimbangi zi Yave

Select language Ibinda

 ZINGILA MU BUKLISTO

Ngye Wulenda Kwaku Kindisa Bavonga mu Kiphevi

Ngye Wulenda Kwaku Kindisa Bavonga mu Kiphevi

Kimwadi, mu Kilumbu 11, Ngonda Yinna, bawombo bavonga mu kiphevi bala landakana mbambukulu moyo. Bawu batona kusadila Yave vayi mu kibila ki mambu mawombo, babika buka buntubila mwa buku Volte para Jeová. (Ebeleo 12:1) Bavonga mu kiphevi mvandi luvalu badi va meso ma Yave, kibila nandi wuba sumba mu menga ma mwan’andi. (Mavanga 20:28; 1 Petelo 1:18, 19) Bwidi tulenda kubasadisila bavutuka mu kimvuka?

Bakhulutu ba kimvuka bantombanga ayi bansadisanga babo bavonga mu kiphevi, buka bumvangilanga mvungi mamemi boti dimemi dimweka dima zimbala mu nkangu. (Luka 15:4-7) Ayi mawu mammonisa khebulu yi luzolo lu Yave. (Yelemya 23:3, 4) Kubika to bakhulutu ba kimvuka, vayi befu boso tulenda sadisa bavonga mu kiphevi. Yave wummonanga nyenze ayi wutu sakumunanga beni mu mangolo tunvanganga mwigi kumonisa luzolo ayi kukindisa bankaka. (Zingana 19:17; Mavanga 20:35) Diawu, yindula mutu wulenda kindisa, ayi vanga mawu mu thinu!

TALA VIDEO YINTUBA NGYE WULENDA KWAKU KINDISA BAVONGA MU KIPHEVI, AYI YUVULA BYUVU BINLANDA:

  • Mbi Abbey kavanga bo kavana kimbangi kwidi mutu kakhambu zaba?

  • Kibila mbi tufweti koluka ayi bakhulutu ba kimvuka ti tutidi kusadisa mutu wuvonga mu kiphevi?

  • Bwidi Abbey kakubimina mu ntulu wummwadi mwingi kumona Laura?

  • Bwidi Abbey kamonisina lukwikumunu, mvibudulu, ayi luzolo bo katomba kukindisa Laura?

  • Mbi tulenda longuka mu kifwani ki Yesu kidi mu Luka 15:8-10?

  • Lusakumunu mbi luyiza monika mu mangolo mavangana mwingi kusadisa Laura?