Skip to content

Skip to table of contents

Zimbangi zi Yave

Select language Ibinda

 ZINGILA MU BUKLISTO

Yesu Wufwila Mvandi mu Kibila ki Zikhomba Zyaku

Yesu Wufwila Mvandi mu Kibila ki Zikhomba Zyaku

Yesu wuvana luzingu lwandi mu kibila ki batu ba masumu. (Loma 5:8) Bukyedika ti befu tunkwangalalanga beni mu luzolo Yesu kamonisa mu kuvana luzingu lwandi mu kibila kitu. Vayi zikhumbu zinkaka tufweti tebukanda moyo ti Yesu mvandi wufwila mu kibila ki zikhomba zitu. Bwidi tulenda monisina luzolo kwidi zikhomba zitu mu Klisto badi mvawu batu ba masumu buka befu? Tala ziphila zitatu. Theti, mu kuvanga kikundi na zikhomba zyoso kheti bo badi yitu mimvila mivyakana. (Loma 15:7; 2 Kolinto 6:12, 13) Dimwadi, tufweti ba keba keba mwingi tubika tuba voti kuvanga dyambu dilenda lweka mintima mi bankaka. (Loma 14:13-15) Ayi ditsuka, mu kulemvukila mutu betuvangila dyambu dimbi. (Luka 17:3, 4; 23:34) Befu kuvanga mangolo mwingi kulandakana kifwani ki Yesu mu matedi kulemvukila, Yave wunkwiza tatamana kusakumuna kimvuka mu kutuvana ndembama ayi kithwadi.

TALANU VIDEO BA MUTU WUNTADILANGA BANKAKA MU PHILA YIMBOTI, BOSI VANA MIMVUTU MI BYUVU BINLANDAKANA:

  • Bwidi Miki kaba tadila zikhomba zi kimvuka kyandi va thonono?

  • Mbi bivanga nandi kubalula mayindu mandi?

  • Bwidi kifwani ki Yesu kisadisila Miki kubalula mayindu mandi? (Malako 14:38)

  • Bwidi matangu madi mu Zingana 19:11 malenda kutusadisila kutadila zikhomba zitu mu phila yimbote?