Skip to content

Skip to table of contents

Zimbangi zi Yave

Select language Ibinda

 ZINGILA MU BUKLISTO

Bwela Pisuka mu Kisalu ki Kusamuna—Bika Theti Minlonguki mi Kibibila Mikhambu Konzuka mu Kiphevi

Bwela Pisuka mu Kisalu ki Kusamuna—Bika Theti Minlonguki mi Kibibila Mikhambu Konzuka mu Kiphevi

NKINZA MBI KUVANGA MAWU: Batu bafweti sambila mu dizina di Yave mwingi bavuka. (Loma 10:13, 14) Vayi, batu bankaka banlongukanga Kibibila, bakikininanga ko kuzingila mu zithumu zi Yave. Tulenda sadila mboti thangu’itu mu kisalu ki kusamuna, befu kusadisa batu bantomba kubalula luzingu luawu mu bukyedika mwingi kukwangidika Yave. Boti nlonguki wu Kibibila weka mimvu mu kulonguka vayi kasinkonzuka ko mu kiphevi, buboti beni mu dyela kubika bwe longuka yandi Kibibila ayi kusadila thangu’itu mwingi kusadisa batu bantomba kufikama Yave ayi kimvuka kyandi. (Yoane 6:44) Bumvyokila thangu nlonguki beni na kumonisa bivisa ti weka ‘wukubama mu kutambula luzingu lu mvu ka mvu,’ tulenda vutuka bwe longuka yandi.—Mavanga 13:48.

MBI WULENDA VANGA:

  • Tonda nlonguki mu luzolo kadi lu kutomba baka nzayilu yikyedika.—1 Timoteo 2:4

  • Monisa kibila nandi kafweti zingila mambu kanlonguka.—Luka 6:46-49

  • Mu luzolo, yoluka yandi matedi kifwani ki mvati Yesu kata, ayi yuvula mbi bi kumvanga kabika sadila mambu kanlonguka.—Matai 13:18-23

  • Nsudikisa mu luzolo kibila mbi wunkwiza bika kulonguka yandi Kibibila

  • Nzabikisa ti wala kumvutukilanga khumbu zinkaka mwingi kunkindisa ayi nkamba ti kalenda tatamana kulonguka na kubaka makani ma kusadila mambu kanlonguka

TALANU VIDEO AYI VANANU MIMVUTU MU BYUVU BINLANDAKANA:

  • Mbi wube longuka mu disolo dimmonisa ti nlonguki wu Kibibila kabasa konzuka ko mu kiphevi?

  • Bwidi nsamuni kasadisidi nlonguki kuvisa ti kafweti sadila mambu kanlonguka?

  • Bwidi nsamuni kabe sadisila nlonguki kumona ti kalenda vutuka kubwe longuka Kibibila na kuba wukubama?