Skip to content

Skip to table of contents

Zimbangi zi Yave

Select language Ibinda

 ZINGILA MU BUKLISTO

Tufweti sambidilanga zikhomba bammona zithotolo mu kiminu, mu mavula badi

Tufweti sambidilanga zikhomba bammona zithotolo mu kiminu, mu mavula badi

Kibibila kibikula ti, Satana wala tu thota mwingi tubika kindama mu kisalu ki kusamuna. (Yoane 15:20; Nzaikusu 12:17) Vayi, bwidi tulenda sadisila zikhomba bammona zithotolo mu kiminu mu zi tsi zinkaka? Befu tulenda kuba sambidila. “Bila lusambulu lu mutu wusonga, lubeki zingolo ziwombo.”Yakobi 5:16

Mambu mbi tulenda tuba munsambu? Tulenda dinda Yave, kakindisa zikhomba zitu ayi kaba sadisa mwigi babika kuba boma. (Yesaya 41:10-13) Tulenda dinda mvandi Yave kasadila zimfumu zi tsi mwingi ba tubela khonzo mu mambu tukumvangilanga, “muingi tuzinga luzingu lundembama ayi luvovomu.”1Timoteo 2:1, 2.

Mu thangu yi khulu bo mvwala Polo ayi Petolo, baba monikina zitholo mu kiminu, zikhomba ziwombo baba sambidila. (Mavanga 12:5; Loma 15:30, 31) Ḿba, twisa zaba ko mazina ma zikhomba zyoso banthotu mu kiminu voti badi mu buloku bubu. Bukyedika ti kuba kwandi mu kutanguna munsambu zi tsi, mavula ayi bimvuka mwidi zikhomba bammonikina zithotolo mu kimunu?

Yitidi kusambidila Zikhomba zyama bammona zithotolo mu kiminu mu zi tsi dedi: