Skip to content

Skip to table of contents

Zimbangi zi Yave

Select language Ibinda

 ZINGILA MU BUKLISTO

Kukubama Mwingi Kwelonga mu Kibwangu Bantubanga Zimbembu Ziwombo

Kukubama Mwingi Kwelonga mu Kibwangu Bantubanga Zimbembu Ziwombo

Batu balenda luta vitika zitsangu zi Kintinu mu thangu bankuwa mawu mu mbembo’awu. Ḿba buawu mu Pentekoti yi mvu 33 T.K., Yave kakubikila ‘Bayuda boso baba kiminu bafumina mu mimvila myoso’ mwingi kukuwa zitsangu zimbote mu ‘mbembo’awu’ babutukila, kheti bawu baba tubanga mbembo yi Kiebeleo ayi Kingeleko. (Mavanga 2:5, 8) Mu bibwangu voti kizunga bantubanga zimbembo ziwombo, bimvuka bimvanganga lukutukunu mu zimbembo zivyakana balenda samuna mu kibwangu beni kimweka. Mbi minsamuni balenda vanga mwingi kubika kwendanga zithangu zyoso mu zinzo bankaka babe vyokila ayi batu bavwidi nzo babika kudasuka?

  • Kudedikisa mayindu (Zingana 15:22): Bakulutu bantadilanga kisalu ki kusamuna mu zimbembo beni, bafweti kutakana ayi kutubila phila yimboti balenda tyamunina zitsangu zimboti mu kizunga beni. Boti kizunga kinu kidi ndilu, bimvuka binsamuninanga mu zimbembo zinkaka, balenda tomba ti kimvuka kinu kisombukanga mvandi zinzo zidi ku khonzo yi kizunga kiawu. Vayi boti bawu basinnunga ko kusamuna mu kizunga kiawu kibila kidi beni kinneni, bawu balenda kuawu ku mukamba mwingi lubika sombukanga zinzo zidi ku khonzo’awu. Vayi boti mutu wunkolukanga mbembu’inu bemonisa nkinza, lufweti theti kubazabikisa. (od 93 ¶37) Voti Bawu balenda linda mwingi kimvuka kinu kibasadisa kubakula va kizunga kinu batu bankolukanga mbembu yi kimvuka kiawu ayi kubavana nzila yi zinzo zi batu beni. (km 7/12 5, quadro) Tebukanga moyo ti zithangu zinkaka, batu bankalanga mu nzo yimweka balenda tuba zimbembo zivyakana. Diawu mwingi tununga kusamuna mu kizunga kitu kyoso tufweti tumamana zithwadusulu zintubila mawu.

  • Kusala va kimweka (Efeso 4:16): Ba keba keba mu kulandakana zithwadusulu betambula kwidi nkulutu wu kisalu. Ngye widi mu kulonguka Kibibila ayi mutu wunluta zolanga mbembo bamanga kutubanga mu kimvuka kyaku? Nlonguki kalenda fika konzuka mu kiphevi ngye kubika nandi kenda mu kimvuka bantubanga mbembo nandi kanzolanga ayi kamvisikisa buboti.

  • Kubama (Zingana 15:28; 16:1): Boti mutu be dengana mu nzila voti va nzo yi kizunga ki kimvuka kinu, vanga mangolo mwingi kunlonga zitsangu zimbote. Ava kwe samuna ngye wulenda kubika malongi mu zimbembo wulenda dengana va kizunga kinu. Ayi wulenda kulula bilongulu voti zivideo mu zimbembo beni mu telefone’aku. Wulenda sadila mvandi JW Language mwingi kulonguka phila bambidilanga mutu mu mbembo beni.