Skip to content

Skip to table of contents

Zimbangi zi Yave

Select language Ibinda

 ZINGILA MU BUKLISTO

Kinzika Zithumu zi Yave

Kinzika Zithumu zi Yave

Yave Nzambi wutu vana zithumu zisonga tufweni landakana. Nandi wutuba ti dikwela difweti vangimina mu batu bwadi to​—dibakala ayi nkyeto. (Matai 19:4-6, 9) Nandi katyanga ko mambu moso matedi butsuza. (1 Kolinto 6:9, 10) Nandi wuvana nswa dikabu dyandi bafweti landakana wutedi phwatulu.​—Deutelonomi 22:5; 1 Timoteo 2:9, 10.

Mu bilumbu bitu, bawombo bakhambu landakananga zithumu zi Yave. (Loma 1:18-32) Bawu banlandakananga mayindu, phwatulu ayi mavanga ma batu bankaka. Bawombo ba kuyimonisanga, ayi bantyanga ko kumona batu bankaka banlandakana mayindu ma Nzambi.​—1 Petelo 4:3, 4.

Bo twidi Zimbangi zi Yave, tufweni monisa kibakala mwingi tulandakana zithumu zi Nzambi. (Loma 12:9) Vayi Bwidi? Befu tufweni kuba sadisa mu luzolo mwingi bazaba mambu Yave kanzolanga. Angi befu veka tufweti zingila mambu beni, mwingi tuba vana ntungulu. Bo tunsola mimvwatu, tufweti kuyikuvulanga: Mimvwatu myami mimmonisa ti minu yinkinzikanga zithumu zi Yave voti yinlandakananga phwatulu yi nza? Mimvwatu myami minsadisanga batu bazaba ti minu yidi kisadi kikyedika ki Nzambi? Ayi bo tunsola mambu tuntala mu televisão buka zi filmi, tulenda mvandi kuyikuvula: Yave kalenda zola byuma yintala mu televisão? Phila mambu mbi filmi beni yinlonga? Bisavu yinzolanga, bilenda ku phanga yibika kulandakana zithumu zi Yave? (Minkunga 101:3) Bwidi dikanda diami ayi bankaka bankwiza mwena?​—1 Kolinto 10:31-33.

Kibila mbi kidi dyambu di nkinza kulandakana zithumu zi Yave? Kibila mu thangu yi lwelo, Yesu Klisto wala bunga nza ayi mambi moso. (Yehezekeli 9:4-7) Bo bamvanganga luzolo lu Nzambi, bawu to bela vuka. (1 Yoane 2:15-17) Diawu tufweti vanga mangolo mwingi tulandakana zithumu zi Yave, mu dyambu tuvana kimbangi kwidi batu ayi tuzitisa dizina di Yave mu mavanga mitu.​—1 Petelo 2:11, 12.

Mimvwatu yinsolanga, mimmonisanga ti minu yinkinzikanga zithumu zi Yave?

TALANU VIDEO YINTUBA BA BUKUNDI NA YAVE​DIBAKALA DIMWEKA NKYETO WUMWEKA, BOSI VANA MIMVUTU MI BYUVU BINLANDA:

  • Kibila mbi kulandakana zithumu zi Yave yididi mbonosono yi ndwenga?

  • Kibila mbi matata bafweti tonina kulongisa bana bawu matedi Yave bo bakhidi balwelo?

  • Bwidi befu boso tulenda sadisila bankaka ba baka ndandu mboti yi Nzambi?